Azərbaycan, Bakı, 10 iyun / Trend , müxbir M.Əliyev/ Koreyanın Dəmir Yolu Şəbəkəsi Bakıdan Gürcüstan sərhədinə yüksək sürətli dəmir yolu magistralı layihəsinin yeni variantını təqdim edəcək. Layihə iyunun 14-dən 24-dək Bakıda keçiriləcək danışıqlar zamanı təqdim olunacaq. Bu barədə Koreyanın Azərbaycandakı səfirliyinin tikinti və nəqliyyat şöbəsinin rəhbəri Kim So Yonq bildirib.
"Koreyalı dəmiryolçular Azərbaycanın Nəqliyyat Nazirliyi və Azərbaycan Dövlət Dəmir Yolu İdarəsində (ADDYİ) görüşlər keçirəcəklər", - deyə Kim bildirib.
Koreyalı mütəxəssislər tərəfindən təqdim olunacaq layihə sərnişin qatarları hərəkətinin saatda 150 km, yük qatarları sürətinin isə, saatda 120 km - dək artırılmsını nəzərdə tutur. Hazırda bu istiqamətdə qatarların hərəkət sürəti saatda 80 km-dən azdır.
Araşdırmalar göstərir ki, iqtisadi cəhətdən bu layihəyə 2010 - cu ildən başlanması məqsədə uyğundur. Bu vaxta qədər biletlərin qiymətlərinin artırılması mümkün olacaq.
Layihə təsdiq olunarsa, onun reallaşdırması müddəti yeddi il (iki il layihələndirməyə, beş il isə tikintiyə sərf olunacaq) çəkəcək. Gələcəkdə analoji layihənin Rusiya sərhədi istiqamətində reallaşdırılması da mümkündür. Layihənin qarışıq - dövlət, özəl bank və şirkətlərin sərmayələri hesabına reallışdırılması nəzərdə tutulub.
Əvvəllər koreyalı mütəxəssislər tərəfindən layihənin reallaşdırılması üzrə üç variant təklif olunmuşdu: mövcud vəziyyəti dəyişmək və hərəkət sürətini saatda 100 km-ə çatdırmaq, hərək sürətinin saatda 150 km və 160 km-dək çatdırılması.
Birinci variant 2,7 mlrd. dollar sərmayə yatırılmasını nəzərdə tuturdu. İkinci halda (bu daha müvafiq hesab olunurdu) sərmayə3,5 mlrd. dollar həcmində nəzərdə tutulurdu. Üçüncü layihə isə sürətin saatda 160 km-dək artırılmasını nəzərdə tuturdu və ikincidən cüzi fərqlənirdi. Sərmayələrin həcmi 4,3 mlrd.dollar təşkil edirdi.
Cari ilin mayında ADDYİ və Koreyanın Dəmir Yolu Şəbəkəsi qarşlıqlı anlaşma Memorandumu imzalayıb. Sənəd dəmir yollarının qarşılıqlı inkişafı, texniki həcmlərin müntəzəmliyi, həmçinin, ümumi maraqlar çərçivəsində qarşılıqlı əməkdaşlığın formalaşdırılmasını nəzərdə tuturdu.
Məqalə müəllifi ilə əlaqə ünvanı: capital
