Azərbaycan, Bakı, 12 iyun / Trend / "Şimal-Cənub" beynəlxalq nəqliyyat dəhlizinin reallaşdırılması layihəsi çərçivəsində işçi qrupların üçtərəfli görüşü Bakıda iyunun 17-19-da keçiriləcək. Bu barədə cümə axşamı Azərbaycan Dəmir Yol İdarəsindən bildirilib.
Görüş zamanı Qəzvin-Rəşt-Astara-Astara (Azərbaycan) xətlərinin inşası layihəsı məsələləri, üçtərəfli əməkdaşlığın genişləndirilməsi və digər məsələlər müzakirə olunacaq.
"Şimal-Cənub" nəqliyyat dəhlizi layihəsi Avropadan Rusiya, Azərbaycan və İrandan keçməklə, Hindistan və Cənub-Şərqi Asiyaya vahid dəmir yolu nəqliyyat vasitəsi yaradılmasını nəzərdə tutur. Layihənin reallaşdırılmasına 400 mln.$-dançox vəsait tələb olunur. Nəzərə almaq lazımdır ki, işlərin çox hissəsi, Azərbaycanın sərhədlərinədək dəmir yolu olmayan İranda görüləcək. $20 mln. məbləğdə müəyyən işlər Azərbaycanda aparılacaq.
Azərbaycan ərazisində nəzərdə tutulan işlərin həcmi böyük deyil. Astara (AR) stansiyasına qədər yolun təxminən 8,5 km sahəsində təkər cütlüklüklərin dəyişdirilməsi üzrə stansiyanı, sərhəd və gömrük infrastrukturu, dəmir yolu sərhəd körpüsünü inşa etmək lazımdır. Lakin bu layihənin həyata keçməsi İranla bərabərlik əsasında reallaşacaq.
Proqnozlara görə, ilkin mərhələdə bu dəhlizdən ildə 5 mln.ton yük daşınması, gələcəkdə isə bu rəqəmin ildə 10-15 mln.tonadək artırılması planlaşdırılır.