Azərbaycan, Bakı, 16 iyul/ Trend , müxbir İ.Xəlilova/ 2008 -ci ilin birinci yarısının yekunlarına əsasən, Azərbaycan Beynəlxalq Bankının (ABB) xalis mənfəəti, ötən ilin analoji dövrü ilə müqayisədə 73,7 faiz artaraq, 38,492 mln. manat təşkil edib. Bu barədə çərşənbə günü Bankdan məlumat veriblər.
ABB birinci yarımili, il ərzində 65,9 faiz artan 3 635,8 mln. manat aktivlə başa çatdırıb.
Bankın kredit portfeli 2 602,1 mln. manat təşkil edib. Bununla yanaşı, istehlak kreditlərinin payına 262,6 mln. manat düşür. Hüquqi və fiziki şəxslərin depozitlərinin ümumi həcmi 1949,376 mln. manat, fiziki şəxslərin əmanətləri 434,523 mln. manat olub. Ümumilikdə bankın öhdəlikləri 1,7 dəfə - 3 295,005 mln. manatadək artıb.
ABB -in məcmu kapitalı 270,645 mln. manta səviyyəsində formalaşıb. Bunun 100 mln. manatı Nizamnamə kapitalının payına düşür.
İyulun 1-nə olan vəziyyətə əsasən, ABB 36 filiala malikdir. Hazırda bank 578 bankomata sahibdir. İl ərzində onların sayı 21 ədəd artıb. Bundan əlavə, bank məlumat köşklərinə - 63 (2007-ci ilin birinci yarısında 45), 2 397 (1 507) POS-terminala malikdir.
İyulun 16-na olan cari məzənnə - 0,8054 AZN/USD.
Müəlliflə əlaqə saxlamaq üçün elektron ünvan: cap
