Rusiya şirkəti Azərbaycanda yeni aviareys açmağı planlaşdırır
Azərbaycan, Bakı, 29 iyul/ Trend , müxbir E.İsmayılov/ Rusiyanın "Elbrus-Avia" şirkəti sentyabrda yeni birləşdirilmiş Nalçik-Bakı -Nalçik aviareysini açmağı planlaşdırır.
Sərnişinlər Bakıda yerdəyişmədən sonra Əmmana yola düşəcəklər. Bu barədə çərşənbə axşamı "Elbrus-Avia" şirkətinin kommersiya direktoru Aslanbi Tukov məlumat verib.
"Azərbaycan tərəfi aviareysin reallaşdırılmasına razılıq verib. Nalçik-Bakı-Nalçik reysini sentyabrda açmaq planlaşdırılır", - Tukov söyləyib.
Yeni reysin açılması "Azərbaycan Hava Yolları" (AZAL) Qapalı Səhmdar Cəmiyyəti və "Elbrus-Avia" aviaşirkəti (Kabarda-Balkariya) arasında razılıq əldə olunduqdan sonra mümkün olub.
Nalçik-Bakı reysi Yak- 42 təyyərəsi ilə, Bakı - Əmman reysi Boeing təyyarəsi ilə həyata keçiriləcək.
Şirkət bu reysin reallaşdırılması üçün mayın sonunda rəsmi məktubla Azərbaycanın Dövlət Mülki Aviasiya Administrasiyasına müraciət edib və administrasiya bu təklifə razılıqla cavab verib. Bundan əlavə, şirkət bu iki reysin birləşdirilməsi hesablamalarının aparılması üçün uçuş cədvəlinin dəqiqləşdirilməsi məqsədilə, Heydər Əliyev adına Bakı Beynəlxalq Hava Limanının administrasiyasına müraciət edib.
Hazırda aviaşirkətin boş təyyarəsi olmadığındən, reyslərin həyata keçirilməsi mümkün deyil. Avqustun ortalarında bu problem həll olunduqdan sonra, reys açılacaq. "Elbrus-Avia" 1972 - ci ildə yaradılan Nalçik Birləşmiş Aviadəstəsinin varisidir.
Müəlliflə əlaqə saxlamq üçün elektron ünvan: [email protected]
