Azərbaycan, Bakı, 06 avqust/ Trend , müxbir İ.Xəlilova/ Hökumət müdafiə təyinatlı məmulatların istehsalı məqsədilə Azərbaycana idxal edilən texnologiyaları gömrük rüsumu və ƏDV-nin ödənilməsindən azad edib. Bu barədə çərşənbə günü hökumətdən məlumat veriblər.
"Nazirlər Kabinetinin sərəncamına əsasən, bu güzəştlər, Müdafiə Sənayesi Nazirliyi və onun tabeliyində olan müəssisələr tərəfindən müdafiə təyinatlı məmulatların istehsalı və müdafiə təyinatlı infromasiyanın yaradılması məqsədilə idxal edilən texnologiyalar, avadanlıqlar və dəstləşdirici hissələri əhatə edir", - mənbə bildirib.
Bu tədbirlər dövlət başçısının "Müdafiə Sənayesi Nazirliyinin tabeliyində olan müəssisələrin fəaliyyətinin sağlamlaşdırılması üzrə tədbirlər haqqında" 2008-ci il 24 iyun tarixli fərmanı çərçivəsində həyata keçirilir. Fərmana əsasən, nazirliyin 2008-ci il aprelin 1-nə məcburi dövlət sosial sığorta haqları üzrə Dövlət Sosial Müadifə Fonduna olan borcları (əsas borcun, hesablanmış və ödənilməmiş penya və maliyyə sanksiyaları) və vergi borcları silinib.
Bundan əlavə, onların aprelin 1-nə kommunal xidmətlər (su, qaz, elektrik enerjisi) üzrə kreditor borclarının tənzimlənməsi üzrə də tədbirlər görüləcək. Bu borclar dövlətin maliyyə dəstəyi hesabına qapadıla bilər.
Cari mübadilə məzənnəsi -- 0,8093 AZN/USD.
Müəlliflə əlaqə saxlamaq üçün elektron ünvan: [email protected]