...

İlin sonunadək "İteca Caspian" Azərbaycanda 11 sərgi keçirəcək

Biznes və iqtisadiyyat xəbərləri Materials 12 Avqust 2008 15:59 (UTC +04:00)

Azərbaycan, Bakı, 12 avqust / Trend , müxbir S.Babayeva/ Azərbaycanda beynəlxalq sərgilərin təşkilatçıları - "ITE Group PLC" və "Iteca Caspian LLC" şirkətləri bu ilin payız sərgi mövsümündə 11 layihə təqdim edəcək. Şirkətdən verilən məlumata görə, ənənəvi sərgilər arasında yeni "CİPS" layihəsi - 1-ci Xəzər Beynəlxalq Mühafizə, Təhlükəsizlik və Xilasetmə Vasitələri Sərgisi debütünü yaşayacaq. Bütün tədbirlər Azərbaycan Respublikası dövlət qurumlarının rəsmi dəstəyi ilə keçiriləcək.

Payız sərgi mövsümünü 2 -ci Beynəlxalq Gəncə İnfrastrukturu Sərgisi "West Azerbaijan Iinfrastructure" açacaq. Keçən il olduğu kimi, sərgi çoxsahəli olacaq və iqtisadiyyatın ən vacib sektorlarını, o cümlədən inşaat və interyer, qida sənayesi, kənd təsərrüfatı, rabitə və informasiya texnologiyaları, energetika, səhiyyə, nəqliyyat, infrastruktur və xidmət sahəsini əhatə edəcək. Bu il "Bank Respublika", "Bank Azərbaycan", "AtaBank", "BakıSığorta" və "Qarant Sığorta" kimi banklar, sığorta və lizing şirkətləri fəal surətdə təqdim olunacaq. "West Azerbaijan Infrastructure" sərgisi çərçivəsində, 2-ci Azərbaycan Regional İnşaat Sərgisi "WestAzBuild" keçiriləcək. Sərgilər sentyabr ayının 22-24 -də Gəncə Olimpiya Kompleksində keçiriləcək. Sərgini ziyarət etmək istəyən paytaxt sakinləri üçün Bakı-Gəncə-Bakı marşrutu ilə işləyən pulsuz avtobus təşkil olunacaq. Reyslər sentyabrın 22 və 23- də olacaq. Sərgiyə rəsmi dəstək AR İqtisadi İnkişaf Nazirliyi, Gəncə şəhəri İcra Hakimiyyəti və AR Ticarət və Sənaye Palatası tərəfindən verilir.

Mövsümü daha üç sərgi layihəsi davam etdirir: 14 -cü Azərbaycan Beynəlxalq Səhiyyə Sərgisi "BIHE", 3-cü Azərbaycan Beynəlxalq Stomatologiya Sərgisi "Stomatology Azerbaijan" və 2-ci Azərbaycan Beynəlxalq Gözəllik və Estetik Tibb Sərgisi "Beauty Azerbaijan". Sərgilər sentyabrın 24- 27-də Heydər Əliyev adına İdman və Sərgi Kompleksində keçiriləcək. BIHE sərgisi farmakologiya, tibbi avadanlıq, tibbi elektronika, optika və oftalmologiya, apteklər və tibb müəssisələri üçün avadanlıq və mebel, diaqnostika, xəstəxanalar, innovasiyalı xidmətlər, tibdə informasiya texnologiyaları və bir çox başqa bölmələri təqdim edəcək. Dünyanın 19 ölkəsindən 100-dən çox şirkətin iştirakı gözlənilir. Sərgilər Səhiyyə Nazirliyi, Azərbaycan Respublikası Ticarət və Sənaye Palatası, Azərbaycanda İxracatın və Sərmayənin Təşviqi Fondu və Azərbaycan Stomatoloji Assosiasiyasının dəstəyi ilə keçiriləcək.

Oktyabrın 22-də Xəzər regionunun ən iri inşaat sərgisi "BakuBuild" öz işinə başlayacaq. Bu günədək ekspozisiya sahəsinin 95%-i artıq sifariş olunub. Sərginin təxminən 30%-ini sərgiyə və ölkə bazarına ilk qədəm qoyan şirkətlər təşkil edəcək. Ekspozisiyanın əksər hissəsi Azərbaycan şirkətləri tərəfindən sifariş olunub ki, onların sayı hazırda sərginin ümumi ekspozisiya sahəsinin 60%-ini təşkil edir. Bu il ilk dəfə olaraq Polşa hökumətinin dəstəyi ilə Polşanın ən iri inşaat şirkətləri milli qrupa birləşdirilib. Milli stendlər sırasında Finlandiya, Almaniya, Belçika, Belarus və İtaliya da təmsil olunub. "BakuBuild" sərgisi ilə bərabər 3- cü Xəzər Beynəlxalq Daşınmaz Əmlak Sərgisi "CaspianRealty" və 6 -cı Xəzər Beynəlxalq Mebel, İnteryer və Dizayn Sərgisi "CaspianMebelExpo" keçiriləcək.

Oktyabrın 2-də fəaliyyətə başlayacaq 2-ci Azərbaycan Beynəlxalq "Təhsil və Karyera" Sərgisi öz ərazisində təhsil təklif edən xarici dövlətlərin ali təhsil müəssisələrini, habelə Respublikamızın ali təhsil ocaqlarını təqdim edəcək təhsil şərtləri barədə ətraflı məlumat verəcək. Sərgi çərçivəsində 1-ci Azərbaycan Beynəlxalq Kitab Yarmarkasının da keçirilməsi gözlənilir. Yarmarkanın məqsədi - oxuculuq mədəniyyətini bərpa etməkdir. Yarmarkada Respublikamızın və xarici dövlətlərin elmi və bədii ədəbiyyat nəşrləri təqdim olunacaq. Azərbaycan Təhsil Nazirliyinin dəstəyi ilə keçirilən sərgilər öz işini oktyabrın 4 - də başa çatdıracaq.

Xəzər regionunun daha bir iri layihəsi olan 14 - cü Azərbaycan Beynəlxalq Telekommunikasiya və İnformasiya Texnologiyaları Sərgisi və Konfransı "BakuTel" oktyabr ayının 11-dən 14 - dək Heydər Əliyev adına İdman və Sərgi Kompleksində keçiriləcək. Azərbaycanda dövlət siyasətinin ən əsas prioritetlərindən biri - informasiya cəmiyyətinin yaradılmasıdır. "2005 -2008 - ci illər üçün Rabitə və informasiya texnologiyalarının inkişafına dair Dövlət Proqramı" (Elektron Azərbaycan) informasiya cəmiyyətinin yaradılmasına və bütövlüklə dövlətin inkişafına yönəldilmişdir. Bu proqramın icra edilməsi prosesinin göstəricilərindən biri olan BakuTel sərgisi qlobal informasiya fəzasına inteqrasiyaya, milli İKT məhsullarının istehsalına və müasir informasiya-kommunikasiya infrastrukturunun yaradılmasına kömək edir. İKT sənayesinin avanqardında duran 140 - dan çox şirkət hər kəsi bu sahənin ən son nailiyyətləri ilə tanış edəcək. Bu il sərgidə kommersiya şirkətləri ilə yanaşı, Koreya Respublikasının 10 - dan çox Koreya şirkətini nümayiş etdirən Milli Stendi də təqdim olunacaq. Sərgidə ilk dəfə olaraq ORT Ümumdünya Teleradioyayım Şəbəkəsi təqdim olunacaq. Sərginin ən əlamətdar hadisəsi isə Regional Nazirlər Görüşü olacaq. Azərbaycan Respublikasının Rabitə və Kommunikasiya Texnologiyaları Nazirliyinin təşkil etdiyi bu görüşün mövzusu - "Yüksək sürətli TransAvrasiya İnformasiya Magistralı" olacaq. BakuTel sərgisinin ən vacib nailiyyəti - bu sərginin artıq bir neçə ildir ki, Azərbaycan Respublikası Prezidentinin himayəsi altında keçirilməsidir. Sərgidə 140- dan çox şirkət, o cümlədən Koreyanın 10 - dan çox şirkətini nümayiş etdirən Milli Stendi də təqdim olunacaq. Sərgidə ilk dəfə olaraq ORT Ümumdünya Teleradioyayım Şəbəkəsi təqdim olunacaq.

Sərginin ən əlamətdar hadisəsi isə, Regional Nazirlər Görüşü olacaq. Azərbaycan Respublikasının Rabitə və İnformasiya Texnologiyaları Nazirliyinin təşkil etdiyi bu görüşün mövzusu - "Yüksək sürətli TransAvrasiya İnformasiya Magistralı" olacaq.

Sərgi ilini mövsümün debütü olan 1-ci Xəzər Beynəlxalq "Mühafizə, Təhlükəsizlik və Xilasetmə Vasitələri" Sərgisi (CİPS) yekunlaşdıracaq. Ölkənin demək olar ki, bütün sektorlarında baş verən fəal inkişaf yüksək keyfiyyətli vasitələrin, təhlükəsizlik texnikasının tətbiqini, habelə işçi heyətinin təlimatlandırılmasını və bu sahədə mövcud olan ən yeni texnologiyaların tətbiqini tələb edir.

Sərginin məqsədi - bu sahədə fəaliyyət göstərən aparıcı şirkətləri və onların istehsal etdiyi məhsulları ölkə bazarına təqdim etmək və ən yeni texnologiyaları bu sahədə tətbiq etdirməkdir. Sərgi noyabrın 5 -7 - də keçiriləcək.

Xəbər lenti

Xəbər lenti