Azərbaycan, Bakı, 12 avqust / Trend , müxbir İ.Xəlilova/ Azərbaycanın Lizinq Şirkətləri Assosiasiyası (ALŞA) öz sıralarını genişləndirməyi və dörd şirkət və bankı üzvlüyə qəbul etməyi planlaşdırır. Bu barədə çərşənbə axşamı Assosiasiyanın icraçı direktoru Ülviyyə Hüseynova məlumat verib. Hazırda Nikoil Leasing, Parex Leasing, Kavkaz Leasing və Azerdemiryolbank ilə danışıqlar aparılır.
"Onların üzvlük məsələsi sentyabr-oktyabradək nəzərdən keçiriləcək", - Hüseynova qeyd edib.
Hazırki günədək yeddi lizinq şirkəti - AGLeasing, AtaLeasing, Bank of Baku, bank olmayan kredit təşkilatı CredAgro, Jointleasing, Texnikaleasing və UniLeasing Assosiasiyada təmsil olunub.
[Assosiasiya 2005 - ci ildə, BMK-nın Azərbaycanda lizinqin inkişafına texniki yardım layihəsi çərçivəsində yaradılıb.]
Beynəlxalq Maliyyə Korporasiyasının hesabalamalarına görə, ümumilikdə respublikada lizinqlə məşğul olan bank və şirkətlərin sayı 20 - dən çoxdur. Lakin bu sahədə cəmi beş - altı şirkət fəal işləyir. Bu fakt lizinq sahəsində ixtisaslaşmış kadr çatışmazlığı ilə izah olunur. Bununla yanaşı, onların sayının genişlənəcəyi gözlənilir, lakin banklar lizinq departamenti və ya törəmə şirkət yaratmaq barədə hələ ki qərara gələ bilmirlər.
Qeyri-aktiv lizinq əməliyyatlarına görə ALŞA-nın sıraları 12- dən 7- dək azalıb. İstisna deyil ki, Assosiasiyanı tərk edənlərdən bəziləri, əməliyyatlar canlandırıldıqca, onun sıralarına qayıdacaq.
Azərbaycanın lizinq sektorunda aşağı kapitallaşma səviyyəsi BMK-ya maliyyələşdirmə həcmini və şirkətlərə birbaşa kreditlərin ayrılmasını artırmağa imkan vermir. Lizinq şirkətlərinin kapitalı $1 mln. təşkil edir. BMK-nın şərtlərinə görə, o, ümumi kapitalın 60 faizinədək hissəsini maliyyələşdirə bilər (ikinci səviyyənin kapitalında nəzərə alınan subordinasiya edilmiş kreditlər nəzərə alınmadan).
Bununla əlaqədar, $30 mln. büdcəyə malik Azərbaycan və Mərkəzi Asiyada Lizinqin Maliyyələşdirilməsi Fondundan Azərbaycanın lizinq şirkətlərinə $6 mln. ayrılıb - Uni Leasing və AG Leasing şirkətlərinə müvafiq olaraq $5 mln. və $1 mln. İstisna deyil ki, cari ildə Korporasiya lizinqin inkişafına $5-6 mln. məbləğdə daha bir kredit ayıracaq.
Fəaliyyətdə başladığı 2005 - ci ildən BMK-nın Azərbaycanda texniki yardım layihəsinin əsas fəaliyyəti Uni Leasing, AG Leasing və Bank of Baku şirkətlərinə texniki yardımdan ibarət olub. Lakin o, digər lizinq şirkətlərinə də məsləhət xidmətləri göstərir.
Avqustun 12-nə olan cari məzənnə --- 0,8136 AZN/USD.
Müəlliflə əlaqə saxlamaq üçün elektron ünvan: [email protected]
