Azərbaycan, Bakı, 19 avqust/ Trend , müxbir İ.Xəlilova/Azərbaycan İnvestisiya Şirkətinin (AİŞ) və özəl sektorun inkişafı İslam Korporasiyasının (İCD) təsis etdiyi Caspian International Investment Company Iran körfəzi ölkələri üzrə "road-show"-nun keçirilməsindən imtina edib. Icraçı direktor Toğrul Köçərlinin çərşənbə axşamı dediyinə görə, iyunda Bakıda keçirilmiş sərmayə konfransının nəticələri üzrə Caspian International Investment Company-nin potensial sərmayədarları müəyyənləşib.
Köçərlinin sözlərinə görə, hazırda onlarla fəal danışıqlar aparılır və sentyabrın sonunadək Azərbaycanda layihələri maliyyələşdirməkdə maraqlı olan real sərmayədarlar müəyyənləşəcək. Sərmyədarlardan orta hesabla $70 milyon cəlb edilməsi planlaşdırılıb və Köçərli vəsaitlərin daha qısa müddətdə alınması imkanını istisna etmir.
Bunun üçün Caspian International Investment Company İran körfəzi ölkələrindən (Səudiyyə Ərəbistanı, Bəhreyn, BƏƏ) olan şirkətlərin cəlb edilməsi üzrə hətta "dəqiqləşmə"danışıqlarını da aparmağa hazırdır.
Strategiyaya uyğun olaraq, sərmayələr, spirtli içkilər və donuz əti məhsulları istehsal edən müəssisələr, habelə standart maliyyə və sığorta xidmətləri şərtləri ilə fəaliyyət göstərən bank və sığorta təşkilatları istisna olmaqla, iqtisadiyyatın real sektorunda tətbiq ediləcək. Bu istisnalar onların şəriət prinsiplərinə zidd olması ilə əlaqədardır.
Caspian International Investment Company 2008-ci ilin martında qapalı səhmdar şirkət kimi 2,95 mln. manat ilkin kapitalla qeydə alınıb. Şirkət aktiv fəaliyyətə avqustun 1-dən başlayıb. AİŞ-in iştirak payı 25 faiz təşkil edir. O, onların ödənilməsi üçün $14 mln. qoyacaq. Şirkət təkcə AİŞ ICD-nin (ilkin mərhələdə onun payı 75 faiz olacaq) hesabına yox, həm də Yaxın Şərq və İran körfəzi ölkələrindən olan sərmayədarlar hesabına formalaşacaq.
Avqustun 19-na rəsmi valyuta məzənnəsi 0,8151 AZN/USD-dır.
