Azərbaycan, Bakı, 03 sentyabr/ Trend , müxbir S.Babayeva/ "Yanvar-iyul ərzində Naxçıvan Muxtar Respublikasında (NMR) sənaye istehsalı 94 mln. manatdan çox olub ki, bu da 2007-ci ilin eyni dövrü ilə müqayisədə, 23,1 faiz artım deməkdir", - NMR-in Bakıdakı daimi nümayəndəliyindən bildiriblər.
Ümumi istehsal strukturunda məhsul istehsalının payı 78,6 faiz, göstərilən xidmətlərin payı 21,4 faiz olub.
Sənaye strukturunda istehsalın 0,2 faizi hasilat, 83,2 faizi emal, 16,6 faizi isə, elektrik enerjisi və suyun istehsalı və paylaşdırılması ilə məşğul müəssisələrin payına düşüb.
Sənaye sahəsində özəl sektorun payı 77,6 mln. manat, dövlət sektorunun payı 16 mln. manat təşkil edib.