Azərbaycan, Bakı, 06 sentyabr/ Trend müxbir İ.Xəlilova/ "Azərsu" ASC Almaniyanın CES şirkətini ümumi dəyəri $310 mln. olan və kiçik şəhərlərdə su təchizatı və kanalizasiya sisteminin təkmilləşdirilməsinə yönələn birinci layihə çərçivəsində məsəhlətçi kimi cəlb edib, -"Azərsu"dan bildiriblər.
CES artıq tender sənədləşdirməsinin hazırlanmasına başlayıb və 2008 - ci ilin sonunadək tikinti işlərinin başlaması üçün Baş podratçını müəyyən edəcək. Layihəni dörd ilə - 2012 - ci ilədək realizə etmək nəzərdə tutulsa da, tikinti işlərinə üç il vaxt ayrılıb, - SC- dən bildiriblər.
Layihəyə üç komponent daxildir.
Birinci komponent çərçivəsində kiçik şəhərlərdə su təchizatı və kanalizasiya sistemi infrastrukturunun, təmizləyici şəbəkə və obyektlərin bərpasına sərmayə yatırılması nəzərdə tutulur. Layihə 22 rayon mərkəzini əhatə edəcək: Ağstafa, Biləsuvar, Goranboy, Qəbələ, Quba, Saatlı, Oğuz, Xanlar, Tovuz, Şamaxı, Zaqatala, Abşeron, Xırdalan, Hacıqabul, Qazax, Qax, Mingəçevir, Sabirabad, Samux, Şəmkir, Tərtər və Naxçıvan Muxtar Respublikası (Şərur və Babək).
İkinci komponent üzrə Böyük Bakı və Abşeron yarımadasının su təchizatı sisteminin inkişafı Baş planının hazırlanması üçün texniki yardımın göstərilməsi nəzərdə tutulur.
Üçüncü komponentə beynəlxalq maliyyə hesabatlılığı standartlarının tətbiqindən billinq sisteminin (sudan istifadəyə görə ödənişin yığılması) təkmilləşdirilməsinədək, "Azərsu" SC-nin institusional müasirləşdirilməsi daxildir.
DB Direktorlar Şurası 2007- ci il iyunun 14 - də layihəni təsdiqləyib və onun maliyyələşdirilməsinə $230 mln. ayırıb. Azərbaycan hökumətinin layihədə iştirak payı $80 mln.-dur.
DB-nin ekspertlərinin qiymətləndirməsinə görə, Azərbaycanın kiçik şəhərlərində su təchizatının keyfiyyəti və kanalizasiya infrastrukturunun vəziyyəti onların dəstəklənməsi üçün məhdud kapital yatırımları və uzun müddətdir ki, istimar olunmalarına görə, qənaətbəxş deyil. Bu obyektlərin vəziyyəti ictimai sağlamlığa mənfi təsir göstərir və ekoloji vəziyyətin aşınması riskini artırır. Birinci layihənin reallaşdırılması nəticəsində, ən azı 700 min nəfər su ilə təmin ediləcək, kanalizasiya xidmətlərindən istifadə edə biləcəklər.
Müəlliflə əlaqə saxlamaq üçün elektron ünvan [email protected]