...

Azərbaycanda qiymətləndiricilərin sertifikatlaşdırılması sistemi tətbiq ediləcək

Biznes və iqtisadiyyat xəbərləri Materials 15 Sentyabr 2008 19:28

Trend-i buradan izləyin

Azərbaycan, Bakı, 15 sentyabr/ Trend , müxbir İ.Xəlilova/ Beynəlxalq Maliyyə Korporasiyası Azərbaycanda yaşayış daşınmaz əmlakının qiymətləndirilməsi sahəsində mütəxəsisslərin sertifikatlaşdırılması sisteminin tətbiqini təklif edir. BMK- nın məsləhətçisi, Rusiya Qiymətləndiricilər Cəmiyyətinin (RQC) birinci vitse-prezidenti İqor Artemenkovun işçi qrupunun bazar ertəsi Bakıda keçirilən iclasında Sertifikatlaşdırmaq Sistemi haqqında Əsasnamə layihəsini təqdim edərkən bildirdiyinə görə, Azərbaycanın Qiymətləndiricilər Cəmiyyəti AR- da serfitikatlaşdırma orqanı ola bilər.

O, yaşayış daşınmaz əmlakı sahəsində sertifikatlaşdırmaya iddia edən mütəxəsisslərə əsas tələblər arasında qiymətləndirmə fəaliyyəti sahəsində son 15 ildə ən azı 10 illik əməli fəaliyyəti göstərib. Lakin onun rəyinə görə, birinci mərhələdə bu staj 2-5 il civarında da ola bilər.

Ərizəçi müxtəlif yaşayış daşınmaz əmlak obyektlərinin qiymətləndirilməsinə dair müstəqil surətdə icra edilmiş beş hesabat təqdim etməlidir. Hesabatların hazırlanması və təsdiqi üç mərhələdə keçən imtahana buraxılış şərtidir (keçid balı - sualların 70 faizdən çox hissəsinin düzgün cavablandırılması). Sertifikat beş il müddətinə verilir, müddət başa çatanda, daha asanlaşdırılmış formada təkrar imtahan götürülür.

Sertifikat sahibi hər il davamiyyəti ən azı 24 saat olan ixtisasartırma kursları keçməlidir. Qiymətləndiricilər Cəmiyyəti artıq tədris kurslarının keçirilməsi üçün ölkənin Təhsil Nazirliyindən icazə alıb. Artemenkovun qeyd etdiyinə görə, imtahanlar ödənişli əsaslarla keçirilir və Rusiyada 1 min avro məbləğdə ödəniş tətbiq edilib.

Müzakirələr zamanı bu sertifikatlaşdırma sisteminin fəaliyyət sahəsini genişləndirmək təklif edilib; ölkədəki qiymətləndiricilər yalnız yaşayış daşınmaz əmlakı sahəsində fəaliyyət göstərmirlər. Məsləhətçinin rəyinə görə, qiymətləndirmə fəaliyyəti və ipotekanın inkişafının ilkin mərhələsində bu sistemin daşınmaz əmlakı əhatə etməsi lazımdır. Gələcəkdə onun əhatə dairəsini genişləndirmək olar. Müzakirələrin yekunları üzrə işçi qrupuna sentyabrın sonunadək Əsasnaməyə şərhlər təqdim etmək tapşırılıb.

Qiymətləndirmə fəaliyyətinin inkişafı üzrə tədbir BMK-nın texniki yardım layihəsinin II fazası çərçivəsində keçirilir. Layihə Maliyyə Korporasiyası və İsveçrənin İqtisadi Əlaqələr üzrə Dövlət Katibliyi (State Secretariat for Economic Affairs - SECO) tərəfindən birgə maliyyələşdirilir. Layihə regional xarakterli olmaqla, Mərkəzi Asiya və Azərbaycanı əhatə etsə də, SECO -nun vəsaitləri yalnız Azərbaycan üçün nəzərdə tutulub.

Müəlliflə əlaqə saxlamaq üçün elektron ünvan - [email protected]

Xəbər lenti

Xəbər lenti