...

Azərbaycan yük daşınmalarını xeyli artırıb – Dövlət Gömrük Komitəsi

Biznes və iqtisadiyyat xəbərləri Materials 20 Sentyabr 2008 11:33 (UTC +04:00)

Azərbaycan, Bakı, 20 sentyabr/ Trend , müxbir Ü.İsmayılova/ Azərbaycanın nəqliyyat vasitələri tərəfindən yanvar-avqustda 74,1 mln. ton yük daşınıb ki, bu da ötən ilin analoji dövrünün göstəricisindən 542,8 faiz çoxdur, - Dövlət Gömrük Komitəsindən şənbə günü bildiriblər. Bu dövr ərzində yük ixracı 67,7 mln. ton, idxalı isə 6,4 mln. ton olub.

Səkkiz ay ərzində dəniz nəqliyyatı ilə 401,9 min ton, dəmir yolu - 13,1 mln. ton, avtomobil - 447,4 min ton, hava - 2,4 min ton yük daşınıb, boru kəmərləri ilə nəqletmə 53,6 mln. tona bərabər olub.

Yanvar-avqust ərzində Azərbaycan ərazisindən tranzitlə 4,3 mln. ton yük daşınıb ki, bu da ötən ilin eyni göstəricisi ilə müqayisədə 116,36 faiz və ya 617,1 min ton çoxdur.

Azərbaycan ərazisindən tranzitlə İtaliyaya 1,5 mln. ton, İsveçrəyə - 1,1 mln. ton, Gürcüstana - 694 min ton, Tacikistana - 248,7 min ton, Türkiyəyə 155,3 min ton, İrana - 167,3 min ton, Rusiyaya - 114,1 min ton, Qazaxıstana - 28,7 min ton, Türkmənistana - 149,6 min ton yük daşınıb.

Müəlliflə əlaqə saxlamaq üçün elektron ünvan: capи[email protected]

Xəbər lenti

Xəbər lenti