...

Azərbaycanda yeni hava limanı istismara verilib

Biznes və iqtisadiyyat xəbərləri Materials 20 Sentyabr 2008 13:02 (UTC +04:00)

Azərbaycan, Bakı, 20 sentyabr/ Trend , müxbir E.İsmayılov/ Cümə günü Azərbaycanın Şimal-Qərb regionunda yerləşən Zaqatala rayonunda yenidən qurulmuş hava limanı istismara verilib, -"AzərTAc" agentliyi xəbər verir. Prezident İlham Əliyev hava limanının açılışı mərasimində iştirak edib.

"Mən bu gün aeroportla tanış olarkən gördüm ki, burada həm müasir standartlar, həm də ən gözəl şərait var. Əminəm ki, bu aeroportun işə düşməsi zaqatalalılar üçün böyük hadisə olacaqdır", - İlham Əliyev bildirib.

Dövlət başçısının qeyd etdiyinə görə, hazırda Azərbaycanın nəqliyyat sektoruna, eləcə də mülki aviasiyaya böyük diqqət ayrılır. Amerika və Fransa istehsalı olan 12 yeni təyyarənin alınması böyük əhəmiyyət kəsb edəcək.

Zaqatala hava limanının yenidən qurulması $27,5mln. -a başa gəlib.

Zaqatala şəhərindən 5 kilometr cənubda yerləşən hava limanının ümumi sahəsi 70 hektardan çoxdur. Müasir üslubda inşa edilən və ümumi sahəsi 3600 kvadratmetr olan aerovağzal saatda 100 -120 sərnişinə xidmət göstərə bilər. Uçuş-enmə zolağının uzunluğu 2200 metrdir.
Dövlət vəsaiti hesabına inşa edilən Zaqatala hava limanının tikintisini "Azvirt" MMC və Türkiyənin "Zema" şirkətinin inşaatçıları həyata keçirib. Hava limanı ATR- 42 və ATR-72 tipli sərnişin təyyarələrini, habelə kiçik tutumlu "Qolfstrim" təyyarələrini qəbul edəcək.

Azərbaycanda hazırda beş ATR markalı təyyarə istismar edilir.

Bu təyyarələr həm daxili marşrutlar üzrə (Bakı - Naxçıvan  və Bakı - Gəncə), həm də respublikadan kənara (Bakı - Tbilisi, Bakı - Tehran, - Bakı - Minvodı, Bakı - Aktau, Bakı - Rostov və s.) reyslər həyata keçirəcək.

Müəlliflə əlaqə saxlamaq üçün elektron ünvan: capи[email protected]

Xəbər lenti

Xəbər lenti