Azərbaycan, Bakı, 16 oktyabr / Trend , müxbir N.İsmayılova/ Doqquz ay ərzində Azərbaycanda ÜDM ötən ilin analoji dövrü ilə müqayisədə 15 faiz artıb, - cümə axşamı Dövlət Statistika Komitəsindən bildiriblər. Cari qiymətlərdə ÜDM-in göstəricisi 30 370,4 mln. manat təşkil edib.
İqtisadiyyatın bütün sahələrində məhsul istehsalının həcmi 16,3 faiz artaraq 75,7 faiz təşkil edib. ÜDM-in əsas hissəsi - 63,6 faiz (19 310,2 mln.manat) sənayenin payına düşür. ÜDM- ə xidmət sahələrinin xüsusi çəkisi 17,5 faiz təşkil edib. Xidmət sahələrində əlavə dəyərin istehsalı ötən ilin analoji dövrü ilə müqayisədə 10,8 faiz artıb. ÜDM-də məhsulun və idxalın təmiz vergiləri 6,8 faiz təşkil edib.
Yanvar-sentyabrda kənd təsərrüfatında, ovçuluq sektorunda və meşə təsərrüfatında 1656,7 mln.manat əlavə dəyər hasil edilib ki, bu da ÜDM -in ümümi həcminin 5,5 faizini təşkil edir; o cümlədən tikinti sektorunda 2020 mln.manat - (6,6 faiz); nəqliyyat - 1457,6 mln.manat (4,8 faiz); rabitə və poçt xidmətləri - 435,6 mln.manat - (1,4 faiz); topdansatış və pərakəndə ticarətdə, avtomobil sahəsində, məişət istehsalı və şəxsi əşiyaların təmiri üzrə - 1426,6 mln.manat (4,7 faiz); restoran və mehmanxana sektorunda - 231,5 mln.manat (0,8 faiz); sosial və digər xidmətlərin göstərilməsində - 1769,8 mln.manat (5,8 faiz) .
Oktyabrın 16 -na rəsmi məzənnə 0,8091 AZN/USD-dır.
