Azərbaycan, Bakı, 24 oktyabr/ Trend , müxbir Ü.İsmayılova/ "Macarıstanın ən iri bankı OTP Bank Azərbaycanın UniBank-nın səhmdarlığına daxil olmur", - UniBank-ın İdarə Heyətinin sədri Faiq Hüseynov cümə günü bildirib.
"Yaxın günlərdə UniBank-ın səhmdarlarının tərkibində dəyişliklər gözlənilmir və AYİB səhmdarlıqdan çıxmır", - Hüseynov bildirib.
Avropa Yenidənqurma və Inkişaf Bankı (AYIB) və Alman Investisiya Şirkəti DEG bir-iki il ərzində Azərbaycanın Unibank-nın səhmdarlığından çıxmaq imkanlarını nəzərdən keçirirlər, -əvvəllər AYİB - dən bildiriblər. Onlar, müvafiq olaraq, 15,2 faiz və 8,3 faiz səhmə malikdirlər.
AYIB və DEG ilə bağlanan müqavilələrə əsasən, 2008 - ci ildən onlar səhmdarların tərkibindən çıxmaq hüququ əldə edəcəklər. Beləliklə, potensial olaraq, bu institutların aspektləri strateji sərmayədarlara satıla və ya bankın indiki səhmdarları tərəfindən alına bilər.
Hüseynovun sözlərinə görə, bank AYİB və DEG - in, ola bilsin, bəzi digər minoritarların səhm paketlərinin satışının mümkünlüyünü istisna etmir.
"Bu, onların hüququdur və biz ona hörmət edirik", - UniBank-ın rəhbəri vurğulayıb.
Unibank Azərbaycanın ikinci iri özəl bankıdır. I rübün sonunda ölkənin bank sistemi aktivlərinin 6 faizi və pərakəndə depozitlərin 5 faizi onun payına düşüb. Bank avtokredit bazarında və ipoteka kreditlərinin verilməsində liderdir. Unibank, AYIB və DEG-in simasında, institusional sərmayədarların səhmdarlığına daxil olduğu birinci Azərbaycan bankıdır.
Müəlliflə əlaqə saxlamaq üçün elektron ünvan: [email protected]
