Azərbaycan, Bakı, 29 oktyabr/ Trend müxbir E.İsmayılov/ Azersun Holding cari ilin sonunda - gələn ilin əvvəlində İmişlidə bitki yağı istehsalı üzrə zavodu istismara verəcək. Bunu "Azersun"-un ictimaiyyətlə əlaqələr və sosial xidmətlər şöbəsinin rəhbəri Kazım Babayev çərşənbə axşamı bildirib.
Babayev qeyd edib ki, bu, soya, günəbaxan və qarğıdalı yağının hazırlanması üzrə zavoddur və Bakıdakı zavodda bu xammalın əsasında yağ istehsal ediləcək.
Zavodun sutkalıq istehsal gücü 200 ton təşkil edir. Yeni avadanlığın quraşdırılması hesabına istehsal gücünün 400 tonadək artırılması mümkündür.
Babayev vurğulayıb ki, İmişlidə kənd təsərrüfatı heyvanları üçün yem istehsalı üzrə yeni zavodun istismara verilməsi nəzərdə tutulub.
Zavodda 70 növdən çox yem istehsal ediləcək. Yeni zavodun sutkalıq istehsal gücü 600 tondur. - İmişli Şəkər Zavodunun rəhbəri İsmayıl Müslimzadə əvvəllər bildirib ki, burada heyvan və quşlar üçün yem istehsal ediləcəkdi. Bu müəssisələr şəkər zavodunun kompleksinə daxildir.
Müəssisələrin tikintisinin ümümi dəyəri 8 mln. avro təşkil edir.
Azersun Holding 1992-ci ildə yaradılıb. Holdinqin fəaliyyət sahələri çayın, bitki yağının qablaşdırılması, ticarət və distribüterlik, tikinti, bank işi, sığorta, karton-kağız məmulatlarının, ət və tərəvəz konservlərinin istehsalı, yüklərin daşınması və saxlanılmasından ibarətdir.
Müəlliflə əlaqə saxlamaq üçün elektron ünvan: [email protected]