Azərbaycan, Bakı, 05 noyabr/ Trend , müxbir İ.Xəlilova/ Azərbaycan hökuməti 2009-cu ildən büdcə vəsaitləri hesabına aqrar sektorun kreditləşdirməsini artırmağı planlaşdırır və bu məqsədlər üçün 10 mln. manat ayrılıb, - çərşənbə günü ölkə hökumətindən bildiriblər.
Əvvəllər gələn ildən bu məqsədlər üçün büdcə təxisatlarını 30 mln. manatadək artırmaq planlaşdırılırdı.
2007 - ci ildən indiyədək fermerlərin dövlət büdcəsi hesabına maliyyələşdirilməsinə hər il 5 mln. manat ayrılırdı. 2008 - ci il üçün nəzərdə tutulan vəsaitlər birinci rübdə ayrılıb. Bu vəsaitlərin banklar və bank olmayan kredit təşkilatı vasitəsilə paylanılması artıq başa çatdırılıb. Vəsaitlər bitkiçilik, kənd təsərrüfatı məhsullarının istehsalı sahəsində 200 layihənin maliyyələşdirilməsinə yönəldilib.
2007 - ci ildən başlayaraq, güzəştli kreditlər səlahiyyətli agent - banklar - Texnikabank, Turanbank, Rabitabank, MuganBank, ZaminBank, Bank of Azerbaijan, Gencebank, Azerbaycan Senaye Banki və bank olmayan kredit təşkilatı IKA -Icrachi Kredit Agentliyi vasitəsilə paylanılır.
Büdcə vəsaitləri hesabına 2 il müddətinə 1 min manatadək mikrokreditlər, 1 min - 20 min manatadək kiçik kreditlər, üç il müddətinə 20 min - 50 min manatadək orta kreditlər, 5 il müddətinə 50 min - 200 min manatadək iri kreditlər verilir. Kreditlər üzrə dərəcələr, Sahibkarlığa Kömək Milli Fondunda olduğu kimi, 7 faiz səviyyəsində müəyyən edilib.
Azərbaycanın Nazirlər Kabinetinin sərəncamına əsasən, kreditlər kənd təsərrüfatı məhsullarının istehsalı və emalı, suvarılan torpaqların meliorasiyasının təkmilləşdirilməsi, irriqasiya avadanlığı ilə təminat, kənd təsərrüfatı texnikası və kimyəvi maddələrin alınması, qida məhsulları sektorunun müasirləşdirilməsi və inkişafı, Kənd Təsərrüfatı Nazirliyinin sınaq layihələrinin realizəsi, heyvandarlıqda süni mayalandırmaya yönəldilə bilər.
Bu gün əsas diqqət heyvandarlığın inkişafına yönəldilir. Belə ki, bu sahə çox gəlirli və öz xərcini tez ödəyən hesab olunur. Fermerlər borc götürdükləri vəsaitləri artıq 1-2 il ərzində qaytara bilərlər. Üzümçülük isə öz bəhrəsini yalnız 4-5 ildən sonra verir.
Hökumət aqrar sektorun bütün istiqamətlərinin inkişafında maraqlı olduğundan, kreditlər beş il müddətinə nəzərdə tutulub.
Noyabrın 5-nə olan cari mübadilə məzənnəsi -- 0,8078 AZN/USD.
Müəlliflə əlaqə saxlamaq üçün elektron ünvan: [email protected]