Azərbaycan, Bakı, 07 noyabr/ Trend , müxbir İ.Xəlilova/ 2008 - ci il oktyabrın 1-nə olan vəziyyətə görə, Azərbaycanın xarici borcları 2798,5 mln. dollara çatıb və bu, ÜDM - in 6,9 faizini təşkil edir. Bu barədə cümə günü ölkənin Maliyyə Nazirliyindən məlumat veriblər. İlin əvvəli ilə müqayisədə, xarici borcların həcmi 14,6 faiz artıb.
Əhalinin adambaşına düşən xarici borc 324,3 dollar təşkil edir.
Doqquz ay ərzində 477,6 mln. dollar kredit mənimsənilib. Xarici borca xidmətlərin göstərilməsinə çəkilən xərclər 201,8 mln. dollar olub. Bununla yanaşı, 157,6 mln. dollar əsas borcun, 44,2 mln. dollar isə, faizlərin payına düşür. Kreditlərin ödənilməsi üçün büdcə vəsaitləri hesabına 88,2 mln. dollar yönəldilib.
Xarici borcun strukturunda 12,5 faiz (350,2 mln. dollar) iqtisadi islahatlara yönəldilmiş kreditlərin payına düşür. Bunun 81,9 mln. dolları (2,9 faiz) - BVF - dən alınan borclar, 268,3 mln. dolları (10,8 faiz) - DB - nin payına düşür. Kreditlərin əsas hissəsi investisiya layihələrinin maliyyələşdirilməsi üçün cəlb edilib - 2448,3 mln. dollar (87,5 faiz). Bununla yanaşı, bu vəsaitlərin 39,5 faizi (1105,9 mln. dollar) energetika sektoru, 7,8 faiz (216,9 mln. dollar) - kənd təsərrüfatı və meliorasiya, 20,9 faiz (585,3 mln. dollar) - yol tikintisi və nəqliyyat, 1,4 faiz (38,8 mln. dollar) - kimya sənayesi sahəsi, 5,8 faiz (161 mln. dollar) - neft- qaz sektoru, 6,9 faiz (192,9 mln. dollar) - sosial və s. sahələrə yönəldilib.
Müəlliflə əlaqə saxlamaq üçün elektron ünvan: [email protected]