Azərbaycan, Bakı, 10 noyabr / Trend , müxbir N.İsmayılova/ Azərbaycan Dövlət Əmlakının İdarə olunması üzrə Dövlət Komitəsinin məsləhətçisi - Finre Consulting dövlət yanında bəzi özəl şirkətlərə kənd təsərrüfatı məhsullarının emalı sahəsində konsaltinq xidməti təqdim olunması barədə layihəni noyabrın sonunadək yekunlaşdırmağı planlaşdırır. Bazar ertəsi Finre Conculting Konsaltinq Şirkətinin icraçı direktoru Faiq Abbasov belə deyib.
"Şirkətin gördüyü iş müəyyən olunub və Dövlət Komitəsi ilə razılaşdırılmış qrafikə tam uyğun gəlir" - Abbasov deyib - "Bu gün üçün işin yarıdan çoxu görülüb".
Layihəyə 12 - dən çox özəlləşdirilmiş potensial şirkət cəlb olunub. Bu şirkətlər müxtəlif subsektorlarda - kənd təsərrüfatı məhsullarının emalı, quşçuluq və broyler quşçuluğu, alkoqollu məhsulların istehsalı, konservləşdirilmiş məhsulların, un və süd məhsullarının emalı sahələrində fəaliyyət göstərirlər.
Finre Conculting mühasibat uçotu və maliyyə hesabatlarının beynəlxalq standartlara uyğun tətbiqi ilə bağlı konseptual hesabatlar, optimal şərtlər əsasında kredit qurumlarına pul-istiqraz vəsaitlərinin cəlbi, keçirilmiş və gələcəkdə keçiriləcək sərgilərdə iştirak hesabına beynəlxalq bazara çıxışla bağlı metodik tövsiyələr hazırlayıb, bəzi şirkətlərin strateji və biznes planları işlənilib. Paralel olaraq, korporativ idarəetmə prinsiplərinin tətbiqi əsasında, menecmentin effektivliyinin artırılması tövsiyəsilə hesabatlar təqdim olunub. \
Hazırda şirkət menecment və strateji planlaşdırma mövzusunda treninqlərin keçirilməsilə bağlı təşkilati işlər, xaricdə analoji şirkətlərə biznes - səfərlərin təşkili üzərində çalışır.
"Bu istiqamətdə qurum şirkətlərə Latviya şirkətlərinin təcrübəsini öyrənmək imkanı təqdim etmək qərarı qəbul edib. Belə ki, bir neçə il ərzində bütöv kompleks və ölkə daxilində bu sektorda potensialın formalaşması üçün infrastruktur yaratmağı bacarmış Latviyanın böyük təcrübəsi var".
İşgüzar səfər noyabrın 23 - 29 - da təşkil olunacaq.
Finre Consulting Konsaltinq Şirkəti bu ilin avqustundan başlayaraq, layihənin həyata keçirilməsinə cəlb olunub. Layihənin məqsədi şirkətlərə strateji və biznes planlarının yaradılmasında mühasibat uçotu və maliyyə hesabatlarının beynəlxalq standartlara uyğun tətbiqi, korporativ idarəetmənin təşkili barədə konsaltinq xidməti göstərmək, marketinq siyasətinin qurulması və keyfiyyət sertifikatlarının əldə olunması ilə bağlı tövsiyələr verməkdir.
Layihənin gedişində müvafiq treninqlərin keçirilməsi, ölkələrin qabaqcıl biliklərinə və kənd təsərrüfatı məhsullarının emalında təcrübəyə diqqət çəkməklə xaricdəki analoji şirkətlərlə tanışlıq nəzərdə tutulub.
Müəlliflə əlaqə saxlamaq üçün elektron ünvan: [email protected]