Azərbaycan, Bakı, 11 noyabr/ Trend , müxbir Ü.İsmayılova/ "Azərbaycanın sığorta bazarı 2009 - cu ildə maliyyə böhranının ciddi təsirini hiss edəcək və bu, bazar üçün böhran olacaq", - AzSigorta sığorta şirkətinin Baş direktor müavini Xəyal Məmmədxanlı hesab edir.
"Əksər şirkətlər böhranın biznesə təsirini inkar etsələr də, bu düzgün deyil. Təsir artıq mövcuddur və gələn il daha da güclənəcək", - Məmmədxanlı çərşənbə axşamı bildirib.
Onun rəyinə görə, bu gün böhran öz işlərini bank sığortası (girov əmlakının sığortası) sahəsində quran sığorta şirkətlərinin biznesinə təsir göstərib.
Məmmədxanlının rəyinə görə, bu şirkətlər girov kreditləşdirməsinin sonunun olmadığını düşünür və ayda bir neçə milyon manat alırdılar. Onlar cəmi bir neçə min manat yığa bilirlər ki, bu da personalın azaldılması, xərclərin maksimal dərəcədə azalmasına gətirir və şirkətin müflisləşməsi və bağlanması ilə nəticələnə bilər. Bu isə, bazarda şirkətlərin sayının azalması deməkdir.
"Düşünürəm, bu gün şirkətlər böhranlı vəziyyətə gətirən uzunmüddətli avtomobil sığortasının likvidliyi haqqında düşünürlər. Beş il müddətinə avtomobil sığortalayan şirkətlər tarif siyasətlərini özlərinin ziyanına aparırlar, - Məmmədxanlı bildirib. O, bunu son üç il ərzində maşınların ehtiyat hissələrinin qiymətinin 2-3 dəfə artması və nəticədə avtomobillərin qiymətlərinin, onların təmir, istismar xərclərinin artması ilə izah edib.
Düzgün tarif siyasətinin yoxluğu şirkətlərin müştəri cəlb etmək məqsədilə ən riskli sığorta növlərindən biri olan bu sığorta növü üzrə qiymətləri maksimal dərəcədə azaltması ilə izah olunur.
"Şirkət bir min manat sığorta haqqı alıb və həmin ildə digər əzilmiş avtomobilə görə artıq 500 manat ödəyibsə, o zaman maliyyə böhranı baş verərsə, bir neçə ildən sonra sığorta hadisəsi nəticəsində nə ödəyəcək? Şirkətlər bu barədə düşünmürlər", - Məmmədxanlı bildirib.
AzSigorta sığorta şirkəti fəaliyyəti ərzində ilk dəfə olaraq 2007-ci ilin yekunları üzrə yığımların həcminə görə 5 mln. manatla liderlərin onluğuna daxil olub. Şirkət 29 növ könüllü və 4 növ icbari sığorta xidməti göstərir. Şirkətin Nizamnamə kapitalı 1 mln. manatdır.
Müəlliflə əlaqə saxlamaq üçün elektron ünvan: [email protected]
