Azərbaycan, Bakı, 21 noyabr/ Trend / Qiymətli Kağızlar üzrə Dövlət Komitəsi "Bakıelektrikşəbəkə" ASC-nin (Bakının elektrik paylayıcı şəbəkəsini idarə edir) adi adlı sənədsiz səhmlərinin emissiya prospektini qeydə alıb, - Bakı Fond Birjasının (BFB) cümə günü yayılan məlumatında bildirilir. Emissiyanın həcmi 27,9 mln. manat, bir səhmin nominal dəyəri 2 manatdır.
Emissiya prospektinə əsasən, yerləşdirmə açıq üsulla BFB - də aparılacaq. Səhmlərin yerləşdirilməsində anderreyter rolunda "Azerintertreyd" MMC çıxış edəcək.
Səhmləri almaq istəyən şəxslər BFB - nin üzvü olan və broker lisenziyasına malik təşkilata müraciət edə bilərlər.
"Bakıelektrikşəbəkə" ASC-nin adi adlı sənədsiz səhmlərinin emissiya prospekti BFB - nin saytında yerləşdiriləcək.
