Azərbaycan, Bakı, 03 dekabr/ Trend , müxbir Ü.İsmayılova/ İlin əvvəlindən Azərbaycanın sığorta bazarında maliyyə böhranına görə KASKO üzrə tariflər 4-7 faiz artıb. İlin sonunadək daha 3-5 faiz artım gözlənilir. Maliyyə və İqtisadi Tədqiqatlar Konsaltinq LTD-nin ekspertləri belə hesab edirlər.
Hazırda bazarda tarif dərəcəsi sığorta məbləğinin 6-7,5 faizini təşkil edir. İlin əvvəlində bu rəqəm 4-6,5 faiz təşkil edib və ilin sonunadək 7,5 faiz arta bilər.
Azərbaycan Maliyyə Nazirliyinin məlumatına görə, yanvar-sentyabrda bütünlükdə 28 sığorta şirkətinin avtosığorta üzrə haqları 48,2 mln. manat, sığota ödməələri isə 146 min manat təşkil edib.
Ekspertlər hesab edirlər ki, Azərbaycan Milli Bankı tərəfindən avtomobil kreditləri üzrə tədbirlərin sərtləşdirilməsi sığorta bazarında haqların 15 faiz azalmasına gətirib çıxaracaq.
Ekspertlərin fikrincə, tariflərin artmasına əsasən avtomobillərin ehtiyat hissələrinin, təmir işlərinin və digər xərclərin artması təsir göstərir. Xərclərin böyük hissəsini - KASKO-nun 85 faizini təmir xərcləri təşkil edir.
Ekspertlər hesab edirlər ki, yaranan vəziyyətə baxmayaraq, Azərbaycanda avtomobil sığortası hələ inkişaf edəcək, çünki onun hazırkı vəziyyətini "tam" adlandırmaq olmaz, hətta yaxın bir neçə ildə avtosığorta bazarda lider mövqeyini saxlayacaq, bütün problemlər yalnız onun inkişaf tempi ilə bağlıdır.
Məqalə müəllifi ilə əlaqə ünvanı - capital