Azərbaycan, Bakı, 03 dekabr / Trend , müxbir N.İsmayılova/ Oktyabrda Azərbaycan banklarının depozit bazası 1,2 faiz məhdudlaşıb, yanvar - oktyabr üzrə bu göstərici 2007- ci ilin analoji dövrü ilə müqayisədə, 10,6 faiz aşağı düşüb, - çərşənbə günü Azərbaycan Milli Bankından bildiriblər. Yanvar - oktyabrda bank depozitlərinin ümumi həcmi 24,7 faiz artıb.
AMB - nin məlumatına görə, noyabrın 1-nə bank depozitlərinin, hüquqi və fiziki şəxslərin əmanətlərinin ümumi həcmi 3970,3 mln. manat təşkil edib. Ötən il yanvarın 1- dək bu göstərici 3183,7 mln., noyabrın 1- dək 3009,5 mln. manat olub. Cari ildəki məbləğin 1807,4 mln. manatı milli vəsaitlərin, qalanı əcnəbi valyutanın payına düşüb. Oktyabr ayında milli vayutada depozitlər dörd faiz aşağı düşüb, fiziki şəxslərin əmannətləri 4,4 faiz azalıb, hüquqi həxslərin depozitləri 1,6 faiz artıb. İl ərzində fərdi müştərilərin depozitləri 20,6 faiz, korporativ müştərilərin depozitləri 28,2 faiz artıb.
Oktyabrın 1 - nə ölkə banklarında fiziki şəxslərin əmanətlərinin həcmi 2007- ci ilin yanvarındakı 1771,2 mln. manatdan 1468,4 mln. manatadək artıb. 2007- ci ilin noyabrı üçün bu göstərici 1336,4 mln. manat olub. Noyabrın 1- nə hüquqi şəxslərin depozitlərinin həcmi 2199,1 mln. manat təşkil edib. 2007- ci ilin yanvarın 1-nə bu göstərici 1715,3 mln. manat, həmin ilin noyabrı üçün 1673,2 mln. manat olub.
Dekabrın 3 - nə rəsmi məzənnə -- 0,8091 AZN/USD.
Müəlliflə əlaqə ünvanı: [email protected]
