...

Azərbaycanda sığorta fəaliyyətinin aparılması üzrə yeni qaydalar təsdiq edilib

Biznes və iqtisadiyyat xəbərləri Materials 11 Dekabr 2008 14:52 (UTC +04:00)

Azərbaycan, Bakı, 11 dekabr/ Trend , müxbir Ü.İsmayılova/ Azərbaycan Maliyyə Nazirliyi 2008-ci il martın 13-də qəbul edilmiş "Sığorta fəaliyyəti haqqında" Qanuna müvafiq 10 yeni qaydanı təsdiqləyib.

Təsdiqlənmiş normativ-hüquqi aktlar arasında aşağıdakılar var:

1. Sığortaçıların tələb olunan kapitalının müəyyənləşdirilməsi qaydaları;

2. Sığortaçıların investisiya əməliyyatları ilə bağlı qaydalar;

3. Həyat sığortası və qeyri-həyat sığortası üzrə sığorta ehtiyatlarının formalaşdırılması qaydaları;

4. Sığortaçıların zərərlilik dərəcəsinin hesablanması qaydaları;

5. Sığortaçıların rəhbər işçiləri və fiziki şəxs sığorta vasitəçiləri üçün attestasiyanın təşkili və keçirilməsi qaydaları;

6. Sığorta bazarının peşəkar iştirakçılarının reyestrinin aparılması qaydaları;

7. Sığortaçılarda daxili auditin aparılması qaydaları;

8. Sığortaçılarda müstəqil auditin aparılmasına dair minimum tələblərin müəyyən edilməsi haqqında qaydalar;

9. Sığorta, təkrarsığorta, sığorta brokeri və sığorta agenti fəaliyyətinə verilən lisenziyaların forması və doldurulması qaydaları;

10.   Azərbaycanda fəaliyyət göstərən bütün sığortaçıların nizamnamə kapitallarının ümumi məbləğində xarici sığortaçıların payının son həddinin müəyyən edilməsi və bu payın hesablanması qaydaları.

Azərbaycanda 28 sığorta və bir təkrarsığorta şirkəti fəaliyyət göstərir. Yanvar-sentyabrın yekunlarına görə, şirkətlər 146,41 mln. manat sığorta haqqı toplayıb, ödəmələr 36,82 mln. manata bərabər olub.

Dekabrın 11-nə olan cari mübadilə məzənnəsi - 0,8068 AZN/USD təşkil edir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti