Azərbaycan, Bakı, 12 dekabr/ Trend , müxbir N.İsmayılova/ "Azərbaycanın Standartlaşdırma, Metrologiya və Patent üzrə Dövlət Komitəsi çörəyin kütləsinin azalmasına yol verməyəcək", - Dövlət Komitəsinn Baş direktoru Ramiz Həsənov cümə günü bildirib.
"Çörəyin kütləsi onun növündən asılıdır və istehsalçıların onun kütləsini dəyişməsi yolverilməzdir, - Həsənov bildirib. - Komitə çörəyin çəkisinin artmasına müsbət yanaşır".
Dövlət Komitəsi belə halların qarşısını almaq üçün bir sıra tədbirlər nəzərdə tutub.
Kənd təsərrüfatı naziri İsmət Abbasov da çörəyin qiymətinin azaldılmasının onun çəkisinin azalması ilə müşayiət olunması fikri ilə razı deyil.
"Bu yolverilməzdir, istehsalçılar mövcud standartlara riayət etməlidirlər", - nazir bildirib.
Onun sözlərinə görə, bu gün ölkədə 950 min ton ərzaq taxılı ehtiyatı var ki, bu da gələn mövsümədək bu məhsula olan tələbatı ödəyəcək.
Hazırda paytaxtda bir çörəyin qiyməti, çəkisindən asılı olaraq, 0,3-0,4 manat civarında dəyişir. Əvvəllər isə onun qiyməti 0,4 manatı ötüb.
Azərbaycanın taxıla olan illik tələbatı 3 mln. tondur və bunun 1 mln. tonu idxal olunur.
Respublikanın Kənd Təsərrüfatı Nazirliyi yaxın illərdə ərzaq taxılına olan daxili tələbatı yerli istehsal hesabına ödəməyi proqnozlaşdırır.
Dekabrın 12- nə olan cari mübadilə məzənnəsi - 0,806 AZN/USD.
Müəlliflə əlaqə saxlamaq üçün elektron ünvan: [email protected]
