Azərbaycan, Bakı, 13 dekabr/ Trend , müxbir N.İsmayılova/ Noyabr ərzində Azərbaycanın "Texnika Bank"nın aktivləri 3,5 faiz azalaraq, 2008-ci il dekabrın 1-nə 395,45 mln. manat təşkil edib, - bankdan şənbə günü bildiriblər. 2008-ci il noyabrın 1-nə bankın aktivləri 410 mln. manata bərabər olub.
Bankın depozit portfeli 1,04 faiz və ya 1,56 mln. manat azalaraq, 148,42 mln. manat təşkil edib. Bu vəsaitin 76,01 mln. manatı əmanətçilərin payına düşür.
Dekabrın 1-nə bankın öhdəlikləri 326,18 mln. manata bərabər olub.
Bankın kredit portfeli 2,83 mln. manat və ya 0,75 faiz azalaraq, 293,97 mln. manat təşkil edib. Bu vəsaitdən 68,19 mln. maat istehlak kreditlərinin payına düşür. Noyabrın 1-nə bank 68,8 mln. manatlıq istehlak krediti verib.
"Texnika Bank"ın məcmu kapitalı 10 min manat artaraq 58,24 mln. manat təşkil edib. Bankın Nizamnamə kapitalı 26,91 mln. manat təşkil edib.
Vergilər ödənildikdən sonra hesabat dövründə bankın mənfəəti 29,91 mln. manat təşkil edib ki, bu da oktyabr göstəricisindən 50 min manat çoxdur.
Ay ərzində aktiv plastik kartların sayı 594 ədəd artıb və dekabrın 1-nə 41903 ədəd təşkil edib.
Azərbaycan ərazisində "Texnika Bank"ın 35 filialı, 46 bankomatı və 330 POS-terminalı fəaliyyət göstərir.
Dekabrın 13-nə olan cari mübadilə məzənnəsi - 0,806 AZN/USD
Müəlliflə əlaqə saxlamaq üçün elektron ünvan: [email protected]