Azərbaycan, Bakı, 24 dekabr/ Trend , müxbir Ü.İsmayılova/ "Azərbaycanın Dövlət Torpaq və Xəritəçəkmə Komitəsi Dünya Bankı ilə birgə "Daşınmaz əmlakın qeydiyyatı" layihəsi ç ərçivəsində, ölkənin bütün şəhər və rayonlarının ortofotoxəritələrinin hazırlanmasını başa çatdırıb", - Dövlət Komitəsinin rəhbəri Qərib Məmmədov çərşənbə günü bildirib.
"Ortofotoxəritə 1:1000 miqyasında hazırlanıb", - Məmmədov dəqiqləşdirib.
Onun sözlərinə görə, Azərbaycanın qərb hissəsi üçün xəritəyə 1:5000 miqyasında təsvirlər daxil edilib.
"Daşınmaz əmlakın qeydiyyatı" çərçivəsində Azərbaycanın ortofotoxəritəsi üçün məlumatlar tender əsasında cəlb edilmiş Türkiyənin İNDES şirkəti tərəfindən hazırlanır. Şirkət yalnız kosmosdan çəkilişlər aparıb. Belə ki, hava nəqliyyatının köməyi ilə çəkilişlər digər ölkələrin sərhədlərinin pozulmasina səbəb olardı.
2007-ci ilin iyulunda Azərbaycan hökuməti və DB arasında, ümumi dəyəri 38,57 mln. dollar olan "Daşınmaz əmlakın qeydiyyatı" layihəsinin realizəsi üzrə kredit sazişi imzalanıb. Dünya Bankı layihənin təxminən 78 faizini maliyyələşdirir. Beynəlxalq Yenidənqurma və İnkişaf Bankının xətti ilə, beş il güzəştli dövr olmaqla, 20 il müddətinə 30 mln. dollar ayrılıb.
Layihənin ümumi dəyərindən Dövlət Torpaq və Xəritəçəkmə Komitəsinə geodeziya, xəritəçəkmənin ehtiyacları, ortofotoxəritələrin və torpaq kadastrının hazırlanması üçün 15 mln. dollar ayrılıb.
Müəlliflə əlaqə saxlamaq üçün elektron ünvan: [email protected]
