Azərbaycan, Bakı, 06 yanvar/ Trend , müxbir Ü.İsmayılova/ "Azərbaycan Avropa Şurasının Sosial Xartiyası çərçivəsində, "2009 - 2015 - ci illərdə əlillərin hüquqlarının müdafiəsi üzrə fəaliyyət planı" hazırlamaq niyyətindədir, - Əmək və Əhalinin Sosial Müdafiəsi Nazirliyinin Beynəlxalq Əməkdaşlıq Şöbəsinin rəhbəri Elnur Sultanov çərşənbə axşamı bildirib.
"Hazırda dövlətdaxili müzakirələr aparılır və bu planın işlənilməsi üzrə təkliflər hazırlanır", - Sultanov deyib.
Onun sözlərinə görə, fəaliyyət planı tövsiyə xarakterli olacaq.
Plan yalnız əlillərin hüquqlarının müdafiəsini deyil, həm də onların cəmiyyətə tam inteqrasiyasını, məşğulluğun təmin edilməsi və digər tədbirləri nəzərdə tutur.
Sosial Xartiya Avropa Şurasının insan hüquqlarının təmin edilməsi sahəsində qəbul etdiyi ən mühüm sənədlərdən biridir və İnsan Hüquqlarının və Əsas Azadlıqların Müdafiəsi haqqında Konvensiya ilə bərabər, Avropada insan hüquqlarının vahid müdafiə mexanizmini təşkil edir.
Müəlliflə əlaqə saxlamaq üçün elektron ünvan: [email protected]