Azərbaycan, Bakı, 07 yanvar/ Trend , müxbir E.İsmayılov/ Cari ilin birinci rübündə Azərbaycanda Ələt - Astara (İran sərhədi) avtomobil yolunun 22 kilometrlik hissəsinin tikintisi başa çatacaq, - Azərbaycanın Nəqliyyat Nazirliyində işlərə yaxın mənbə çərşənbə günü bildirib.
Yeni dördxətli yol sahəsinin eni 27,5 metr təşkil edir.
Yolun tikintisinin qalan lotları üzrə tender təkliflərinin hazırlanmasına artıq başlanılıb. Bu sahələrin çəkilməsi üzrə işlər 2009- cu ildə başlamalıdır, - Azərbaycanın nəqliyyat nazirinin müavini Musa Pənahov əvvəllər bildirib.
Layihəyə, uzunluğu 195 km təşkil edəcək Ələt - Astara yolunun yeni hissəsinin çəkilməsi daxildir. Yolun 30 kilometr uzunluğunda məsafəsi mövcud yolda yerləşəcək. Qalan 165 km, mövcud Bakı - Astara yolundan asılı olmayaraq, yeni yol qismində çəkiləcək ki, bu da məsafəni azaltmağa imkan verəcək.
Hazırda Bakı - Astara yolunun uzunluğu 313 km - dir. Yeni magistral yolun çəkilməsindən sonra bu məsafə 265 km olacaq. Bu yolun şəkilişini də Akkord Şirkəti həyata keçirəcək.
Bakı - İran sərhədi yolunun tam yenidən qurulmasını 2012 - ci ilə başa çatdırmaq planlaşdırılır.
Ələt-Masallı yol sahəsinin yenidən qurulması Dünya Bankının ayırdığı kredit hesabına həyata keçiriləcək. 300 mln. dollar məbləğdə kredit Azərbaycana magistral avtomobil yollarının müasirləşdirilməsi və yenidən qurulması üçün verilib. Borc, 10 il güzəştli dövr olmaqla, 40 il müddətinə ayrılıb.
Kredit Şərq - Qərb və Şimal - Cənub dəhlizləri marşrutları üzrə avtomobil yollarının yenidən qurulmasında istifadə ediləcək.
Azərbaycanı Rusiya və İranla bağlayan Ələt - Masallı (İran istiqaməti) və Tağıyev - Sahil (Rusiya istiqaməti) sahələrində yolların müasirləşdirilməsinə, həmçinin, 200 kilometrlik yerli əhəmiyyətli magistral yollara əlavə vəsait ayrılacaq.
Masallı-Astara yol sahəsi Asiya İnkişaf Bankının (AİB) 200 mln. dollar məbləğdə krediti hesabına çəkiləcək. Bu, 500 mln. dollar məbləğində ümumi kreditdən birinci tranşdır. Masallı - Astara avtomobil yoluna kredit Multitranche Financing Facility (MFF) mexanizmi çərçivəsində təqdim edilib və üç yol layihəsinin maliyyələşdirilməsinə hesablanıb. Bu günə hələ ki, bir layihə razılaşdırılıb, AİB MFF çərçivəsində qalan vəsaitlərdən istifadəyə isə, 2014 - cü ilədək vaxt ayırıb.
Müəlliflə əlaqə saxlamaq üçün elektron ünvan: [email protected]
