Azərbaycan, Bakı, 08 yanvar/ Trend , müxbir N.İsmayılova/ Dünya Bankının (DB) proqnozlarına görə, 2009 - cu ildə Azərbaycanda ÜDM-in artım tempi 10,4 faiz səviyyəsində proqnozlaşdırılır və ölkə Avropa, Mərkəzi Asiya ölkələri arasında ÜDM-in artımına görə lider mövqeyini saxlayacaq, - Bankın "2009- cu ildə qlobal iqtisadiyyatın perspektivəri" hesabatında deyilir.
Bank, 2010 - cu ildə Azərbaycan üçün ÜDM-in 7,8 faizlik artımını proqnozlaşdırır ki, bu da regionda ən yüksək göstəricidir. DB-nin məlumatına görə, 2008 - ci ildə ÜDM - in artım templəri 17,7 faiz təşkil edib.
Cari ildə DB ÜDM-in qlobal artımının 0,9 faizədək azalacağını proqnozlaşdırır. Inkişafda olan iqtisadiyyatların artımı 4,5 faiz təşkil edəcək. Bu, 2007-ci ildə 7,9 faiz səviyyəsində qeydə alınmış göstəricidən çox fərqlənir.
"2009 - cu ildə inkişafda olan ölkələrdə ÜDM-in artımı 4,5 faizədək azalacaq ki, bu da ötən beş illə müqayisədə 3 faiz bəndi azdır. Çox ehtimal ki, heç bir əyalət və ölkə iqtisadi artımın bu tənəzzülündən qaça bilməyəcək", - hesabatda deyilir.
Bank, maliyyə şərtləri və yüksək gəlirli ölkələr arasında artım şərtlərinin tezliklə təkmilləşdirilməsini və 2010 - cu ildə ÜDM - in artımının 6,1 faizədək bərpa olunmasını şübhə altına qoyur.
DB - nin proqnozlarına görə, 2010 - 2015 - ci illərdə inkişafda olan ölkələrdə əhalinin adambaşına düşən ÜDM nisbətən sürətli illik templə - 1990- cı illərdəki 2,1 faizə qarşı 4,6 faiz artacaq.
"Makroiqtisadi siyasətin təkmilləşdirilməsi (daha aşağı inflyasiya, ticarət məhdudiyyətlərinin zəiflədilməsi, çevik mübadilə rejimi və aşağı maliyyə kəsirləri) qeyri-əminliyin artırılması və sərmayələr üçün stimulların yaxşılaşdırılması məqsədilə struktur islahatları (özəlləşdirmə və tənzimləyici təşəbbüslər) birləşəcək", - hesabatda deyilir.
Müəlliflə əlaqə saxlamaq üçün elektron ünvan: [email protected]
