Qazaxıstan, Astana, 20 yanvar/ Trend , müxbir K.Konırova/
Birinci rübdə Qazaxıstanının təminat hesablaması metodikasının təkmilləşdirilməsi üzrə iş başa çatdırılacaq. Milli Rifah Fondu (MRF) qrupuna daxil olan bütün şirkətlər bu metodikaya əsaslanacaq, - "Samruk - Kazına" MRF İdarə Heyətinin sədri Kayrat Kelimbetov xəbər verib.
"Qrupun şirkətlərinin satınalma prosesinin səmərəliliyi və təşkilinin Milli Rifah Fondunun fəaliyyətinin birləşdirilmiş maliyyə nəticəsinə birbaşa təsiri var", - Kelimbetov çərşənbə axşamı Astanada "Milli Rifah Fondu "Samruk-Kazına" SC şirkətlər qrupu təşkilatlarının Qazaxıstanın əmtəə, iş və xidmət istehsalçılarından satınalmalarının həyata keçirilməsi məsələləri üzrə müşvavirədə çıxışında bildirib.
Bu metodika milli əmtəə istehsalçılarının mallarının dəyərinin və alınan mal, iş və xidmətlərin ümumi dəyərində Qazaxıstanın rezidentləri olan fiziki şəxslərin əməyinin ödənilməsinin təminatını nəzərə alacaq.
MRF Şirkətlər Qrupuna dövlətin iştirak etdiyi 404 təşkilat (ən böyük milli şirkətlər, inkişaf institutları) daxildir, Fond 44 şirkətdə 100 faizlik səhmdardır.
Müşavirədə deyildiyi kimi, Fonda daxil olan şirkətlərdə satınalmaların miqyası çox böyükdür. Məsələn, yalnız beş ən böyük şirkətin - "KazMunayQaz", "Qazaxıstan Temir Jolı", "Qazaxtelekom", "Qazaxıstanpoçta" və "Qazaxıstan Elektrik Şəbəkələrinin İdarə Edilməsi Şirkəti" SC - nin 2009 - cu ildə əmtəə, iş və xidmətlərə birləşdirilmiş tələbatı 685 mlrd. təngədən çox qiymətləndirilir.
Fondun Şirkətlər Qrupunda satınalmalar sahəsində vahid siyasətin aparılması məqsədilə, bütün törəmə şirkətlər üçün satınalmaların həyata keçirilməsinin vahid qaydaları təsdiq edilib.
Məsələn, tenderlərin elan edilməsi müddəti 15 günədək azaldılıb, eləcə də sifarişçinin daxili təşkilati prosedurlarının müddəti minimuma endirilib və bu, bütün tender prosedurlarını, dövlət satınalmaları haqqında qanunla nəzərdə tutulduğu kimi, 60 gün ərzində deyil, 20 gün ərzində aparmağa imkan verir.
Satınalmalar zamanı milli əmtəə istehsalçısına üstünlük veriləcək. Kelimbetovun bildirdiyinə görə, Fond Milli Əmtəə İstehsaçıları Reyestrini formalaşdıracaq. Fondun qrupuna daxil olan şirkətlər reyestrə daxil olan tədarükçülərdən əmtəə satınalmalarını birbaşa həyata keçirə bilərlər.
Bundan başqa, veb - saytda müntəzəm olaraq bütün satınalma planları, Fondun qrupuna daxil olan bütün şirkətlərdə keçirilmiş müsabiqələrin yekunları barədə ümumi məlumat yerləşdiriləcək.
Müəlliflə əlaqə saxlamaq üçün elektron ünvan: [email protected]