Azərbaycan, Bakı, 29 yanvar /müxbir Trend Ü.İsmayılova/ "Azərbaycan əhalinin Dövlət Sosial Müdafiə Fondu (DSMF) ən yaxın zamanda təqaüd ödəmələri sisteminin tam avtomatlaşdırılması sona çatdırmaq niyyətindədir", - cümə axşamı, Fondun sədri Səlim Müslümov Türkiyənin Azərbaycandakı səfiri Xülusi Kılıcla görüşündə bildirib. "Fonddakı görüşdə həmçinin səfirliyin sosial məsələlər və ticarət üzrə müşavirləri Mustafa Gur və Qazi Bilçin də iştirak edib", - DSMF-dən məlumat verilib.
Müslümovun sözlərinə görə, təqaüd ödəmələri sisteminin tam avtomatikləşdirilməsi üzrə işlər 2004-cü ildən başlanıb və bu gün 93 faiz, yaxud 1,03 milyon təqaüdçü təqaüdlərini plastik kartlarla alır.
"Bu gün Dövlət Fondunda üç milyon təqaüdçü və məcburi sosial sığorta ödəyicisi qeydiyyata alınıb. 2009-2015-ci illər üçün sığortalanmış təqaüd sisteminin inkişafı üzrə dövlət proqramının vasitəsilə ölkənin təqaüd sistemi beynəlxalq sığorta prinsiplərinə keçəcək", - Müslümov əlavə edib.
Türkiyə nümayəndə heyətinin DSMF-ə səfəri Azərbaycan və Türkiyə arasında sosial müdafiə sahəsində əməkdaşlıq müqaviləsi çərçivəsində həyata keçirilib.
Məqalə müəllifi ilə əlaqə ünvanı: capital@trend
