Azərbaycan, Bakı, 30 yanvar/ Trend , müxbir Ü.İsmayılova/
Azərbaycanın Dövlət Gömrük Komitəsi (DGK) cümə günü kollegiya iclasında 2009 - cu il üçün iş planını təsdiq edib.
"DGK tədbirlər çərçivəsində 2007-2011-ci illərə hesablanmış gömrük sisteminin inkişafı Dövlət Proqramına əməl edəcək", - Gömrük Komitəsi sədrinin müavini Rza Əsədullayev iclasda bildirib.
2009 - cu ildə Komitə yanvardan ölkənin gömrük - buraxılış məntəqələrində tətbiq olunmuş "vahid pəncərə" sisteminin təkmilləşdirilməsini davam etdirəcək.
Əsədullayevin sözlərinə görə, bu il normativ - hüquqi bazanın təkmilləşdirilməsi davam etdiriləcək, Gömrük Komitəsi maliyyə sisteminin qiymətləndirilməsi və təhlili, tam avtomatlaşdırmanın tətbiqi, kadr potensialının keyfiyyətinin yaxşılaşdırılması, DGK-nin maddi - texniki bazasının təkmilləşdirilməsi aparılacaq.
Komitənin 2009- cu il üçün iş planına dövlət büdcəsinə gömrük yığımları üzrə proqnozun yerinə yetirilməsi, gömrük qanunvericiliyinin pozulmasının qarşısının alınması, eləcə də Gömrük Komitəsinin beynəlxalq imicinin yaxşılaşdırılması daxildir.
Müəlliflə əlaqə saxlamaq üçün elektron ünvan: [email protected]