Аzərbaycan, Bakı , 13 fevral / Trend , müxbir Ü.İsmayılova/ Azərbaycan parlamenti dünya maliyyə böhranının təsirinin minimuma endirilməsi və işsizlik problemindən qaçmaq üçün özəl müəssisələrə maksimum kömək edilməsini tövsiyə edir.
"İndiki zamanda ölkə iqtisadiyyatının 75%-dən çoxu özəl müəssisələrin hesabına formalaşıb, bu da ölkə əhalisinin sosial müdafiəsinə təsir edir", - deyə Milli Məclisin Sosial siyasət üzrə daimi komssiyasının sədri Hadı Rəcəbli bildirib.
Onun sözlərinə görə, böhran əsasən əhalinin sosial müdafiəsi ilə bağlı sahəyə təsir edəcək, belə ki, pensiya haqqında qanuna əsasən, pensiyaların baza hissəsi ildə bir dəfədən az olmayaraq artırılmalı, həmçinin ildə bir dəfə inflyasiya səviyyəsi üzrə sığortanın indeksləşdirilməsi keçirilməlidir.
Azərbaycan Respublikası Dövlət Sosial Müdafiə Fondunun məlumatlarına əsasən, ölkədə pensiyaçıların sayı 1.3 milyon nəfər, pensiyaların minimum səviyyəsi isə 75 manat təşkil edir.
Məqalə müəllifi ilə əlaqə: [email protected]