...

Azərbaycanın Şəki rayonunda üzüm emalı üzrə zavod istismara veriləcək

Biznes və iqtisadiyyat xəbərləri Materials 17 Fevral 2009 15:34 (UTC +04:00)

Trend-i buradan izləyin

Azərbaycan, Şəki, 17 fevral / Trend , müxbir X.Əliyeva/ Azərbaycanın Şəki rayonunda üzüm emalı üzrə zavodun tikintisi başa çatmaq üzrədir. Bu barədə çərşənbə axşamı müəssisənin rəhbəri Əbdüləli Axundov bildirib.  

"Respublikada analoqu olmayan, 4,9 mln. manat dəyərində İtaliya istehsalı olan müasir avadanlıqların quraşdırılması artıq başa çatıb", - deyə Axundov vurğulayıb.

Onun sözlərinə görə, zavod ilkin mərhələdə ildə 2 min ton məhsul istehsal edəcək.

Dəyəri 7 mln. avro olan zavod inzibati bina, emal sexi, yardımçı tikililər və müasir standartlara cavab verən laboratoriyadan ibarətdir. İlkin mərhələdə təqribən 40 nəfər zavodda işlə təmin ediləcək.

Gələcəkdə zavodun istehsal gücünün ildə 5 min tonadək çatdırılması planlaşdırılır. Zavodun xammal təchizatı Şəkinin fərdi təsərrüfatlarında yetişdirilən üzumlər hesabına təmin olunacaq.

Şəki rayonunda 300 hektardan çox üzüm bağları var.

Azərbaycanın şimal-qərb bölgəsində yerləşən Şəki Bakıdan 352 km. məsafədədir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti