Azərbaycan, Bakı, 05 mart / Trend , N.İsmayılova /
Azərbaycanda ən böyük beynəlxalq istehsalçıların avtomobil satışlarının azalması gözlənilir. Böyük avtodilerlər ötən ildən qalan avtomobillərin satışına tələbatı artırmaq məqsədilə müxtəlif aksiyalar keçirmək məcburiyyətindədirlər.
Cümə axşamı "Volkswagen" avtosalonundan bildirilib ki, avtomobil tələbatı azalıb. Salon martın 1-də 10 faizlik diskont kampaniyası həyata keçirib, hazırda isə tələbatın stimullaşdırılması və satış səviyyəsinin artırılması məqsədilə yenisini hazırlayır.
"Toyota" avtosalonundan verilən məlumata görə, salon martın 1-dən ötən ildən qalan avtomobillərin satışı istiqamətində kampaniya keçirir. Salondan bildirilib ki, 15-20 faizlik endirimlər sayəsində avtomobil tələbatı artıb.
"Nissan" avtosalonu da tələbatın azaldığını təsdiqləyib. Hazırda salon ötən ilin modellərinin tələbatının stimullaşdırılması məqsədilə 5 faizlik endirim kampaniyası həyata keçirir.
Məqalə müəllifi ilə əlaqə ünvanı: [email protected]
