Azərbaycan, Bakı, 12 mart / Trend , müxbir S.Babayeva /
"Azərbaycanın ən böyük metallurgiya müəssisəsi olan "Baku Steel Company" (BSC) ötən il 200,5 min ton polad əridib və 193,1 min ton armatur istehsal edib", - Nazirlər Kabinetinin 2008-ci ildə fəaliyyəti ilə bağlı hesabatında deyilir.
Bu göstərici 2007-ci ildə olan göstəricidən 4 faiz çoxdur. Bütün məhsullar daxili bazarda realizə edilib.
2008-ci ildə şirkət xammal çatışmazlığı səbəbindən bir neçə dəfə fəaliyyətini dayandırmışdı.
Hazırda müəssisəyə sutkada 350-500 ton xammal daxil olur. Nominal istehsal gücü üçün isə 1,5 min ton alınması gərəkdir.
Bu gün BSC-nin - ölkənin ən böyük vergi ödəyicilərindən birinin - istehsal gücü ildə 350 min ton təşkil edir.
Məqalə müəllifi ilə əlaqə ünvanı: [email protected]
