Azərbaycan, Bakı, 12 mart / Trend , müxbir N.İsmaylova /
Azərbaycan Beynəlxalq Bankı (ABB) və Dövlət Sosial Müdafiə Fondu əhaliyə təqaüdlərin sürüşən qrafiklə verilməsi barədə danışıqlara başlayıblar, - ABB-nin mətbuat xidmətinin rəhbəri Rauf Ağayev cümə axşamı verdiyi açığlamada bildirib.
"Təqaüdlərin bir gün ərzində verilməsi bankomatların qarşısında növbələr, bankomatlarda pulun tez tükənməsi kimi təqaüdçülər arasında narazılıqlar yaradır", - Ağayev deyib.
Onun sözlərinə əsasən, hazırda ABB və Dövlət Sosial Müdafiəsi Fondu təqaüdlərin sürüşən qrafiklə verilməsi üçün bankomatların yüklənməsi barədə danışıqlar aparırlar. Yəni təqaüdlər bir gün ərzində yox, müxtəlif günlər ərzində paylanılacaq.
"Daha doğrusu təqaüdlərin verilməsinin günlərə bölünməsi rayondan asılı olaraq ərazi xarakteri daşıyacaq. Təqaüdlər müxtəlif vaxtlarda bölüşdürüldüyündən bankomatlar önündə növbələr olmayacaq", - Ağayev qeyd edib.
Respublika üzrə ABB-nin cəmi 600 bankomatı və üç minə yaxın POS-terminalı quraşdırılıb.
Məqalə müəllifi ilə əlaqə üvanı: [email protected]