Azərbaycan, Bakı, 13 mart / Trend , müxbir S.Babayeva /
Azərbaycanın Standartlaşdırma, Metrologiya və Patent üzrə Dövlət Komitəsi şəkər, süd məhsulları və spirtsiz içkilərin istehsalı ilə məşğul olan beş müəssisənin fəaliyyətində ciddi çatışmazlıqlar aşkar edərək onların fəaliyyətinin dayandırılması məqsədi ilə yazılı tələbnamə təqdim edib.
"Müəssisələr fəaliyyətini dayandırmadığı təqdirdə sənədləri hüquq mühafizə orqanlarına təqdim ediləcək", - deyə dövlət komitəsindən bildirilib.
Qaydalara riayət etməyən müəssisələr arasında - Kəmalə Namazova, Təvəkkül Məmmədova məxsus şəkər istehsalı müəssisəsin (ticarət nişanı "Lalə"), həmçinin "Elince" ASC (ticarət nişanı "Sehirli dad"), spirtsiz içkilər istehsal edən müəssisə "İki qardaş" (ticarət nişanı "Hacı su") və Nofel Tağıyevə məxsus süd məhsulları istehsalı ilə məşğul olan müəssisənin adı çəkilir.
Dövlət komitəsindən o da bildirilib ki, müəssisələr məhsul istehsalı qaydalarını kobud şəkildə pozub, istehsal prosesinin texniki və normativ qaydalarına riayyət etməyib, onlar tərəfindən hazır məhsulların laborator tədqiqatları həyata keçirilməyib və bütün müəssisələrdə antisanitariya müşahidə edilib.
Azərbaycanın Standartlaşdırma, Metrologiya və Patent üzrə Dövlət Komitəsi standartlaşdırma, metrologiya, sertifikatlaşdırma və sənaye mülkiyyəti üzrə obyektlərin mühafizəsi sahələrində dövlət siyasətinin formalaşdırılması və aparılması üzrə mərkəzi orqandır.
Məqalə müəllifi ilə əlaqə ünvanı: [email protected]
