Azərbaycan, Bakı, 14 mart / Trend , müxbir Ü.İsmayılova /
Azərbaycanın iri sığorta şirkətlərindən biri olan "Paşa sığorta" "Azəri-Çıraq Günəşli", "Şah Dəniz" və "Bakı-Tbilisi-Ceyhan" neft və qaz yataqları layihələri üzrə yerli milli sığorta partnyoru qismində çıxış etməyə davam edəcək. Bu barədə cümə günü şirkətin baş direktoru Nofəl Rzayev bildirib.
"Hazırda şirkət müqavilə vaxtını bir il artırmaq məqsədilə BP nümayəndələri (Statoil mütəxəssislərinin iştirakı ilə) və Britaniyanın Marsh broker firmasının sığorta partnyoru ilə danışıqlar aparır", - Rzayev bildirib.
Paşa sığorta 2008-ci ilin iyulunda Londonda strateji milli sığorta partnyoru rolu üzrə sertifikat alıb.
Müştərək müqavilə əməliyyat risklərinin aradan qaldırılması, məsuliyyət riskləri, terrorizm, "Azəri-Çıraq-Günəşli" bloku və "Şah Dəniz" qaz kondensator yatağı layihəsinin hazırlanmasında əmlak risklərinin, həmçinin Bakı-Tbilisi-Ceyhan boru kəmərinin istismar riskləri üzrə sığorta polislərinin formalaşdırılmasını nəzərdə tutur.
Milli sığortaçı olan Paşa Sığortanın layihə üzrə partnyorları operator qismində BP, Marsh broker firması və beynəlxalq təkrar sığorta şirkətləri olacaq. Əvvəllər enerji risklərindən Azərbaycan Dövlət Neft Şirkətinin səhmlərinin 30 faizinə malik olan Atəşgah sığorta şirkəti sığortalayırdı.
Rzayevin sözlərinə əsasən şəxsi qaydalarına əsaslanan Atəşgah beş il ərzində işlədiyi podryadçı səbəbindən AÇG və "Şah Dəniz" layihələrinin bu risklərini sığortalamayıb.
"Şahdəniz" yatağının işlənməsinə dair müqavilə 1996-cı il iyunun 4-də imzlanıb. Layihə iştirakçıları bunlardır: BP (operator) -25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO- 9 faiz, SOCAR - 10 faiz. Bu yataqda ümumi qaz ehtiyatı 1,2 trln. kubmetr həcmində qiymətləndirilir.
Hazırda qaz Cənub Qafqaz qaz kəməri vasitəsilə Gürcüstan və Türkiyəyə nəql olunur. Azərbaycan da bu qazın alıcısı qismində çıxış edir.
"Azəri"-"Çıraq"- "Günəşli" layihəsi üzrə birgə işləmə və hasilatın pay bölgüsü barədə razılıq 1994-cü ilin sentyabrında imzalanıb. Müqavilənin fəaliyyət müdəti 30 ildir. "Çıraq" yatağında hasilat 1997-ci ildə, "Mərkəzi Azəri"də 2005-ci ilin əvvəlində, "Qərbi Azəri"də 2006-cı ilin əvvəlində, "Şərqi Azəri"də isə 2006-cı ilin sonunda başlanıb.aprelayının sonunda "Günəşli" yatağının dərin su hissələrində hasilata başlanıb. AÇG layihəsi üzrə tərəfdaşlar: BP (operator- 34,1%), ChevronTexaco (10, 2%), SOCAR (10%), İNPEX (10%), Statoil (8,6%), ExxonMobil (8 %), TRAO (6,8 %), Devon (5,6 %), ITOCHU (3,9 %), Hess (2,7%).
Pasha Sigorta" "Pasha Holding" qrupunun üzvüdür və sığortanın 30 növü üzrə Bakıdakı, Sumqayıt və Xırdalandakı ofisləri ilə korporativ və fərdi müştərilərə xidmət göstərir. Paşa sığortanın sığorta yığımı 2008-ci ildə 0,94 milyon manat ödəniş ilə 8,44 milyon manat təşkil edib.
Məqalə müəllifi ilə əlaqə ünvanı: [email protected]