...

Bakının avtomobil bazarında tələbat 30 faiz azalıb – ekspert

Biznes və iqtisadiyyat xəbərləri Materials 4 Aprel 2009 16:16 (UTC +04:00)

Azərbaycan, Bakı, 4 aprel / Trend , müxbir Ü.İsmaylova / "Mülkiyyət bazarı iştirakçıları" təşkilatının eksperti Ramil Osmanov deyib ki, dünya maliyyə böhranının təsiri nəticəsində Bakı avtomobil bazarında qiymətlər sürətlə düşür.  

"İlkin avtomobil bazarında hazırda qiymətlər stabil olsa da təkrar bazarda 10 % enib", - Osmanov deyib.

Onun sözlərinə əsasən, ilkin bazarda qiymətlərin stabil qalması bazarın bu seqmentinin əsas portfellərini xarici markalı avtomobillərin təşkil etməsi ilə əlaqədardır.

Osmanovun fikrincə təkrar avtomobil bazarında ilkin bazarla müqahisədə problem daha çoxdur. Çünki 2008-ci ilin sentyabr ayında kredit verilməsi dayandırıldıqdan sonra satıcıların çoxu ya bazarı tərk etdi, ya da gözləmə mövqeyinə çəkildilər və nəticədə bazarda tələbat 30 % azaldı.     

"Avtomobil bazarının monitorinqi göstərdi ki, avtomobil qiymətlərinin enməsi limiti hazırda bitib və bu səbəbdən ilin sonuna proqnoz vermək bir qədər çətindir. İstənilən halda cari ildə qiymət artımı gözlənilmir", - Osmanov qeyd edib.

Bakı avtomobil bazarında orta qiymət 21 min dollar təşkil edir.   

Məqalə müəllifi ilə əlaqə ünvanı: [email protected]

Xəbər lenti

Xəbər lenti