Azərbaycan, Bakı, 11 aprel / Trend , müxbir İ.Xəlilova /
"Avropa Komissiyası Avropa Qonşuluq Siyasəti (ENP) çərçivəsində Azərbaycan hökuməti ilə birlikdə 2008-ci il üçün 22 milyon dollar həcmində indikativ proqramın müzakirəsini başa çatdırıb", - Avropa İttifaqının texniki yardım proqramları koordinasiya bürosunün (Tacis) Azərbaycan üzrə icraçı direktoru Rüfət Məmmədov deyib.
"Proqramın realizəsinə başlamaq üçün maliyyə memorandumunun imzalanması bir ay, ayyarım içərisində gözlənilir", - Məmmədov bildirib.
Layihə çərçivəsində Azərbaycan büdcəsi vasitəsilə ədliyyə sahəsində islahatlar dəstəklənəcək. Proqram üzrə 6 milyon avro tvininq-proqrama və 16 milyon avro ədliyyə sahəsində büdcə dəstəyinə ayrılıb.
Tvininq-proqram üzrə ətraf mühitin mühafizəsinə insan hüquqlarının qorunması və kasıblığın azaldılması istiqamətində yardım edilməsi gözlənilir. Yardım alan qismində İqtisadi İnkişaf, Ekologiya və Təbii Ehtiyatlar nazirlikləri, korrupsiya ilə mübarizə üzrə Dövlət Komissiyası çıxış edə bilər.
Məmmədovun sözlərinə görə, ədliyyəyə yardım çərçivəsində nazirliyin regional bölmələrinin penitensiar sisteminə, qurumda Ədliyyə Akademiyasının yaradılmasına dəstək verilməsi gözlənilir.
Aİ-nin indikativ proqramının Azərbaycan üçün 2007-2010-cu illər üzrə ümumi büdcəsi 92 milyon avro həcmində qəbul edilib. Bu gün üçün 19 milyon avro həcmində 2007-ci il büdcəsi çərçivəsində fəaliyyət istiqamətləri müəyyən edilib. 2009-cu il üçün isə büdcə hələ müəyyən edilməyib, ancaq bu yardımın aqrar sektora aid ediləcəyi bilinir.
ENP-nin 2006-cı ilin noyabrında Brüsseldə Azərbaycan üçün müəyyən edilmiş prioritet istiqamətləri - ölkədə demokratiyanın gücləndirilməsi, iş və sərmayə mühitinin yaxşılaşdırılması, davamlı iqtisadi inkişafın dəstəklənməsi, iqtisadi sahə və idarəetmə təcrübəsinin qanunvericiliyə uyğunlaşdırılması, enerji və nəqliyyat sahəsində Aİ və AR arasında əməkdaşlığın gücləndirilməsi, regional əməkdaşlıq, sərhədyanı idarəetmədə əməkdaşlıq və s.dir.
Məqalə müəllifi ilə əlaqə ünvanı: [email protected]
