Pakistanın Azərbaycan da daxil olmaqla, bütün region ölkələri sahibkarlarını maraqlandıra biləcək iri özəlləşdirmə proqramı var. Xarici kütləvi informasiya vasitələrinin yazdığına görə, bu barədə Pakistanın özəlləşdirmə naziri Sied Naveed Qəmər Azərbaycanın İslamabaddakı səfiri Eynulla Mədətli ilə keçirdiyi görüşdə bildirib.
Nazir Azərbaycan sahibkarlarına tam olaraq dəstəyin göstəriləcəyi barədə səfiri əmin edib, özəlləşdirmə prosesi və investisiya fəaliyyətində ədalətin və şəffaflığın təmin ediləcəyini vəd edib.
Azərbaycanın səfiri bildirib ki, ölkəsi xidmət və nəqliyyat sahəsi, həmçinin özəlləşdirmə və investisiya sahəsində Pakistan ilə əməkdaşlıqda maraqldır.
