Azərbaycan, Bakı, 20 aprel / Trend , müxbir İ.Xəlilova /
Standard&Poor's Beynəlxalq Reytinq Agentliyi Azərbaycanda fəaliyyət dairəsini genişləndirir və əməli olaraq bütün Azərbaycan bankları ilə əməkdaşlıq imkanlarının müzakirəsinə başlayıb. Bu barədə Standard&Poor's-da idarəedici direktor, Rusiya /MDB nümayəndəliyinin rəhbəri Aleksey Novikov bildirib.
"Danışıqlar, təbii ki, kredit reytinqinin lazım olacağı nəzərə alınaraq iri bank onluğu ilə aparılır. Biz kredit reytinqlərini həm məxfi, həm də açıq əsasda müəyyən edirik. Bizim hər bir müştərimizin onun açıqlamamaq hüququ var, bu səbəbdən bizim hansı banklarla ünsiyyət qurduğumuz barədə informasiyanı mən sizə verə bilmərəm", - deyə Novikov vurğulayıb.
Ümumilikdə, onun sözlərinə görə, Standard&Poor's tərəfindən aparılan məxfi reytinqlərin ümumi sayının altı faizi MDB-nin payına düşür.
Agentlik Azərbaycanda reytinq fəaliyyətini təqribən iki il əvvəl inkişaf etdirməyə başlayıb və indiyədək ölkədə reytinq layihələrinin sayını artırmaqdadır.
Standard&Poor's nümayəndələri Azərbaycanın bank sektorunu sistemdə analitik risk qiymətlərinin nəticələri ilə tanış etmək məqsədi ilə ötən həftə Bakıda olublar. Onlar ölkənin bank rəhbərləri üçün təqdimat keçiriblər.
Məqalə müəllifi ilə əlaqə ünvanı - [email protected]
