Azərbaycan, Bakı, 20 aprel / Trend müxbir N.İsmayılova/
"Yeni qeyri-bank kredit təşkilatlarının Azərbaycan Mikro Maliyyə Təşkilatları Assosiasiyasına (AMFA) üzv qəbul olunması qeyri-müəyyən müddətə ertələnib", - bazar ertəsi AMFA-nın icraçı direktoru Jalə Hacıyeva deyib.
"Yeni qeyri-bank kredit təşkilatlarının maliyyə göstəriciləri və müştərilərinin sayı hələ ki, assosasiyanın tələblərinə uyğun gəlmir. Ona görə də onların AMFA-ya üzvlük müddəti müəyyən edilməyib", - Hacıyeva bildirib.
Onun sözlərinə görə, bu təşkilatların assosiasiya üzvlüyünə daxil olması üçün bazarda müəyyən fəaliyyət müddəti tələb olunur.
Ötən ilin dekabrında Hacıyeva deyib ki, assosiasiya Azərbaycan Mərkəzi Bankında lisenziya alandan sonra AMFA-ya müraciət etməli olan yeni qeyri-bank kredit təşkilatları ilə müzakirələr aparıb.
Ötən ilin oktyabrında AMFA-ya iki yeni üzv qəbul olunub. Onlar Bank Respublika və Beynəlxalq Əməkdaşlıq üçün Əmanət Kassaları Fondu (SBFIC) idi. Sonuncusu Almaniyanın inkişaf bankı KfW tərəfindən Azərbaycanda yaradılmış kredit-təminat fondunun və Azərbaycan-Almaniya Fondunun məsləhətçisidir.
Azərbaycanda fəaliyyət göstərən 18 mikromaliyyələşdirmə təşkilatından 14-ü AMFA-nın üzvüdür.
Hazırda AMFA-nın 26 üzvü var (onlardan 11-i bankdır). 24 üzvün kredit portfeli (digər iki üzvün göstəriciləri daxil edilməyib, çünki onlar assosiasiyaya ancaq oktyabrda qoşulublar) 2008-ci il iyulun 1-nə 600 milyon dolları ötürdü. Bu rəqəm 2007-ci ilin analoji tarixindəki rəqəmdən 100 faiz çoxdur. Kreditlərin yarısı kənd təsərrüfatının, 25 faizi ticarət əməliyyatlarının maliyyələşdirilməsinə və s. yönəldilib. Fəal müştərilərin sayı 290 mini ötür.
Məqalə müəllifi ilə əlaqə ünvanı: [email protected]
