Qazaxıstan, Astana, 21 aprel / Trend , müxbir K.Arınova /
Avrasiya İqtisadi İttifaqı (Aİİ) çərçivəsində Gömrük İttifaqının formalaşdırılması məsələsini müzakirə etmək üçün Qazaxıstanın Baş naziri Umirzak Şukeyev Rusiya Federasiyası hökumətinin birinci müavini İqor Şuvalovla görüş keçirəcək. Məlumatı Qazaxıstan Nəqliyyat və Kommunikasiyalar Nazirliyinin mətbuat xidməti verib.
Press-relizdə qeyd olunduğu kimi, görüşdə Qazaxıstan nəqliyyat və kommunikasiyalar naziri Abelqazi Kusainov da iştirak edəcək. Rusiya paytaxtına səfər çərçivəsində qazaxıstanlı nazir rusiyalı həmkarı İqor Levitinlə görüşəcək. Görüşdə məqsəd dəmiryol nəqliyyatı sferasında təbii monopoliyalar xidmətindən istifadənin tənzimlənməsi barədə razılaşma layihəsinin müzakirəsi olacaq.
"Məlum razılaşma təbii monopoliya sahəsində Aİİ ölkələri arasında tariflərin bərabərləşdirilməsi istiqamətində dəmiryol nəqliyyatı xidmətindən yararlanmada dövlət icazəsinin ilkin əsaslarını təyin edir", - press-relizdə deyilib.
Məqalə müəllifi ilə əlaqə ünvanı: [email protected]
