Azərbaycan, Bakı, 21 aprel / Trend , müxbir Ü.İsmayılova /
Martda Bakı avtomobil bazarında avtomobilə olan orta qiymət 16,24 min dollar təşkil edib. Bu barədə "Əmlak bazarı iştirakçıları" İctimai Birliyindən çərşənbə axşamı məlumat veriblər.
Qışda Bakı avtomobil bazarında orta qiymət 21 min dollar təşkil edib.
Təkrar avtomobil bazarında nisbi sabitlik müşahidə edililib və saziş imzalama dinamikası 2,7% artıb. Bu halları təşkilatın ekspertləri mövsüm faktoru ilə əlaqələndirirlər. Fevralda təkliflər bazarda 4,9% artıb və bununla yanaşı 1,2% tələbat artımı nəzərə çarpır.
Avtomobillərin ekspozisiya müdəti 4 gün artaraq 89 gün təşkil edib. Müvafiq olaraq avtomobil bazarında risk dərəcəsi artıb və likvidlik səviyyəsi azalıb.
Mart ərzində bazara 6,9 min avtomobil təklif olunub. Bunlardan yalnız 30%-i yeni təkliflərdir. Yerdə qalan 70%-i isə ötən aylardan qalanlara aiddir.
Məqalə müəllifi ilə əlaqə ünvanı: [email protected]