Azərbaycan, Bakı, 22 aprel / Trend , müxbir Ü.İsmayılova /
Azərbaycanda həyat sığortasının ciddi inkişaf perspektivləri var. Bu barədə "Business Time" jurnalına müsahibəsində Atesgah sığorta şirkətinin idarə heyətinin sədri Azər Əliyev bildirib.
"Bu bazar Azərbaycanda inkişaf etməyib, potensial isə var", - deyə Əliyev vurğulayıb.
Onun sözlərinə görə, bazarın inkişafı üçün sığortaçılar bir qədər işləməlidirlər, çünki həyat sığortası digər növlərdən çox fərqlidir.
Əliyev bildirib ki, hazırda Atesgah şirkətinin əsas məqsədi həyat sığortası üzrə biznesin asanlıqla Atesgah-dan I.S.R. Holding Ltd-nin tərkibinə daxil olan və Kavkaz Sigorta şirkətinin adının dəyişdirilməsi nəticəsində yaranan Atesgah Heyat-a köçürülməsidir. Müştəri, tərəfdaş və ictimaiyyəti şirkət və onun fəaliyyəti haqqında məlumatlandırmaq, bazarın təhlilini, bir növ Azərbaycanda həyat sığortası potensialının marketinq araşdırmasını aparmaq, tələbata uyğun məhsullar və s. hazırlamaq lazımdır.
Atesgah şirkəti 1996-cı ildə yaradılıb. Şirkətin nizamnamə kapitalı 2,7 mln. manatdır. I.S.R. Holding Ltd, SOCAR və RAN-Eksim şirkətin səhmdarlarıdır.
Aprelin 22-nə olan rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected]
