Azərbaycan, Bakı, 22 aprel / Trend , müxbir Ü.İsmayılova /
"Hələ ki Azərbaycandakı ümumi biznes başqa ölkələrdə olduğu kimi maliyyə böhranından o qədər əziyyət çəkmir", - "Business Time" jurnalına müsahibəsində Atesgah sığorta şirkətinin idarə heyətinin sədri Azər Əliyev deyib.
"Ölkəmizin iqtisadiyyatı daha qapalı, dövlət idarəetməsinin səviyyəsi yuxarıdır. Ancaq simptomlar var və durum pisləşə bilər", - Əliyev bildirib.
Onun fikrincə, artıq ölkənin sığorta bazarı çətinliklər yaşamağa başlayıb. 2007-ci ildən aparıcı sığorta şirkətlərinin uğurunun əsas payı banklara aid idi. Bu, xüsusilə avtomobil alışı üçün kreditlərin verilməsi zamanı avtosığortada özünü göstərirdi. Ötən il banklar kredit verilişini dayandırdılar və bu, banklar vasitəsilə sığortalamanın səviyyəsini azaldıb.
Digər təfərdən, Əliyevin sözlərinə görə, korporativ seqment zərər çəkib. Bütün böyük şirkətlər hazırda öz xərclərini azaltmağa çalışırlar. Əvvəllər onlar işçilərinin motivasiyası üçün xərclərə pul ayrımağa çəkinmirdilərsə, indi bu belə deyil. Məsələn, bir çox şirkətlər öz əməkdaşlarının könüllü tibbi sığortasından imtina etməyə başlayıb.
Atesgah idarə heyətinin sədri hesab edir ki, hazırda şirkətlərin Azərbaycan sığorta bazarını daha keyfiyyətli etmək, bununla da əhalinin sığortanın vacibliyi və əhəmiyyətini anlamasını təmin etmək üçün yaxşı imkanı var.
"Təəssüf ki, sıorta mükafatlarının kəskin artımı əsasən son iki il ərzində əhalinin geniş təbəqəsinin bank kreditləşməsinin hesabına mümkün olmuşdu və sığorta şirkətləri məhsulların müxtəlifliyi, müştərilərə keyfiyyətli xidmət haqda o qədər də düşünmürdülər", - Əliyev deyib.
Onun fikrincə, bu il durum dəyişməlidir. "Təəssüf ki, hər şeyin yaxşıya doğru dəyişməsi tendensiyası yoxdur. Artıq bu gün satılan məhsullara əsassız qiymət dempinqi müşahidə olunur ki, xüsusilə onu ödəmək vaxtı gəlib çatanda durum daha da çətinləşəcək", - Əliyev bildirib.
Ancaq onun sözlərinə görə, ümidlər var və əsassız deyil. "Azərbaycan Sığortaçılar Assosiasiyası nəzdindəki işçi komissiyaların çərçivəsində bunun üzərində ciddi iş gedir. Yeni qanunvericilik sığorta şirkətlərinin kapitallaşma və ehtiyatlaşmasına daha sərt yanaşma nümayiş etdirir, Maliyyə Nazirliyi sığorta şirkətlərinin təqdim etdiyi daimi hesabatlılıq formalarının yaxşılaşdırılması üzərində daim işləyir", - şirkət başçısı deyib.
Ateshgah 1996-cı ildə yaradılıb. Şirkətin nizamnamə kapitalı - 2,7 milyon manatdır. Onun səhmdarları I.S.R. Holding Ltd, SOCAR və RAN-Eksim şirkətləridir.
Aprelin 22-nə olan rəsmi məzənnə 0,8035 AZN/ USD təşkil edir.
Məqalə müəllifi ilə əlaqə ünvanı: [email protected]