Azərbaycan, Bakı, 28 aprel / Trend , müxbir S.Babayeva /
Azərbaycanın Standartlaşdırma, Metrologiya və Patent üzrə Dövlət Komitəsi aşkar edilmiş qüsurlara görə fəaliyyətinə qadağa qoyduğu müəssisələrdə təkrar yoxlamalar keçirib. Bu barədə Dövlət Komitəsindən məlumat verilib.
"Yoxlamalar nəticəsində məlum olub ki, qazlı və spirtsiz içkilərin istehsalı və satışı ilə məşğul olan "İki qardaş" müəssisəsi qoyulan qadağaya baxmayaraq fəaliyyətini davam etdirir", - Dövlət Komitəsindən bildiriblər.
Analoji vəziyyət Vüsalə Bayramova adlı fiziki şəxsə məxsus müəssisədə də aşkar edilib. Şirniyyat, tort və kökə istehsal edən müəssisədə qüsurlar aradan qaldırılmayıb.
Hər iki halda administrativ protokol tərtib edilib və sənədlər hüquq-mühafizə orqanlarına təqdim edilib.
Məqalə müəllifi ilə əlaqə ünvanı: [email protected]
